Qazaqstannyń tuńǵysh prezidenti Nursultan Nazarbaevtyń qyzy Dariǵa Nazarbaevamen bailanysty Londondaǵy qymbat jyljymaityn múlik birneshe jyldan beri satylymda tur. Záýlim úidiń baǵasy bastapqy qunymen salystyrǵanda tómendegen, dep habarlaidy Sportinside.kz Kznews.kz basylymyna silteme jasap.
Basylymnyń Ulysmedia.kz-ke silteme jasap taratqan málimetinshe, Londonnyń bedeldi aýdandarynyń birinde ornalasqan záýlim úige qatysty jańa fotosýretter áleýmettik jelilerde jariialanǵan.
Jyljymaityn múlik Ulybritaniia astanasyndaǵy Denewood Road kóshesinde, Highgate golf-klýbynyń mańynda ornalasqan.
Jariialanǵan aqparatqa sáikes, úidiń bastapqy baǵasy 11,8 million dollar bolǵan. Keiin onyń quny 10,5 million dollarǵa deiin tómendetilgen. Iaǵni satylymdaǵy baǵa 1,3 million dollarǵa arzandaǵan.
Záýlim úidiń jalpy aýmaǵy shamamen 765 sharshy metrdi quraidy. Ǵimaratta jeti jatyn bólme, alty jýynatyn bólme, birneshe qonaq bólmesi, bassein, biliard zaly men qysqy baq bar.
Áleýmettik jelide taraǵan sýretterden úidiń sándi intererin, keń bólmeleri men erekshe bezendirilýin kórýge bolady.
Ásirese ǵimarat ishindegi qazaqy naqyshtaǵy buiymdar jeli qoldanýshylarynyń nazaryn aýdarǵan. Bólmelerde ulttyq oiý-órnekpen bezendirilgen kilemder men kórpeler baiqalady.
Aita keteiik, atalǵan jyljymaityn múlik buǵan deiin Ulybritaniia quqyq qorǵaý organdarynyń nazarynda bolǵan.
2019 jyly Ulybritaniianyń Ulttyq qylmysqa qarsy agenttigi Dariǵa Nazarbaeva men onyń uly Nuráli Álievke qatysy bar Londondaǵy úsh jyljymaityn múliktiń satyp alynýyna jumsalǵan qarajattyń shyǵý tegin anyqtaý úshin arnaiy sot sheshimderin alǵan.
Olardyń jalpy quny shamamen 80 million fýnt sterling dep baǵalanǵan.
Alaida 2020 jylǵy 8 sáýirde Londonnyń Joǵarǵy soty bul sheshimderdiń kúshin joidy. Sot quqyq qorǵaý agenttiginiń birqatar tujyrymy jetkilikti dáleldenbegenin anyqtaǵan.
Dariǵa Nazarbaeva men Nuráli Álievtiń ókilderi jyljymaityn múlikterdiń zańdy jolmen satyp alynǵanyn aityp, zańsyz áreketterge qatysy bar degen kúdikterdi joqqa shyǵarǵan.
Osylaisha, jyljymaityn múlikke qatysty qoiylǵan shekteýler alynyp tastaldy.
Al 2026 jyly Londondaǵy záýlim úidiń satylymy men baǵasynyń tómendeýi týraly aqparat qaitadan jariialandy.
Degenmen úidiń qazirgi satylym mártebesi, naqty mámile jasalǵan-jasalmaǵany jáne sońǵy quny týraly resmi málimet ázirge naqtylanǵan joq.
