Qazaqstanda aldaǵy úsh jylda jalpy aýmaǵy 100 myń sharshy shaqyrymǵa jýyq jerde geologiialyq barlaý boiynsha 20 joba júzege asyrylady, dep habarlaidy dalanews.kz.
Úkimettiń baspasóz qyzmetiniń málimetinshe, bul týraly Úkimet otyrysynda Ónerkásip jáne qurylys vitse-ministri Iran Sharhan málimdedi.
Memleket basshysynyń jer qoinaýyn keshendi zertteý jónindegi tapsyrmalaryn oryndaý aiasynda Qazaqstanda alǵash ret 1:50 000 masshtabyndaǵy memlekettik geologiialyq túsirilim bastaldy. Sonymen qatar salada aýqymdy tsifrlandyrý jumystary júrgizilip jatyr.
Vitse-ministrdiń aitýynsha, jasyryn ken oryndaryn anyqtaý úshin dástúrli ádistermen qatar zamanaýi tehnologiialar da qoldanylady. Olardyń qatarynda Ionic Leach tehnologiiasy, spýtniktik derekter, ushqyshsyz ushý apparattary jáne jasandy intellekt bar.
Qazirgi ýaqytta jeti nysannyń perspektivalylyǵy boiynsha aldyn ala derekter alynǵan. Rastalǵan ýchaskelerdi kelesi jyly aýktsionǵa shyǵarýǵa daiyndaý josparlanyp otyr.
Geologiialyq salany tsifrlandyrý jumystary da jalǵasýda. Jer qoinaýyn paidalanýdyń biryńǵai platformasynda 70 myńnan astam geologiialyq esep pen 109 myń zerttelgen aýmaqtyń kontýry ornalastyrylǵan.
Budan bólek, geologiialyq bastapqy aqparattyń barlyǵy tolyq tsifrlandyrylǵan. Onyń jalpy kólemi shamamen 4,8 mln birlikti quraidy.
