Aida Sadatqyzy Týleeva Aqtaý qalasy ákiminiń orynbasary qyzmetine taǵaiyndaldy. Buǵan deiin ol Mańǵystaý oblysy ákimi apparaty basshysynyń orynbasary qyzmetin atqarǵan.
28 qazanda Aqtaý qalasynyń ákimi Maqsat Muqash jańa orynbasaryn qala aktivine tanystyrdy. Bul týraly qala ákimdiginiń baspasóz qyzmeti málimdedi.
Aida Týleeva memlekettik basqarý, jýrnalistika jáne qoǵamdyq kommýnikatsiialar salalarynda tájiribe jinaqtaǵan.
Ol Máskeý politehnikalyq ýniversitetiniń Baspasóz jáne mediaindýstriia joǵary mektebinde «Jýrnalistika» mamandyǵy boiynsha bilim alǵan. Sonymen qatar «Quqyqtaný» mamandyǵy boiynsha joǵary bilimi bar.
Eńbek jolyn 2015 jyly «Qazaqstan» respýblikalyq teleradiokorporatsiiasynyń Mańǵystaý oblystyq filialynda bastaǵan. Munda redaktor, redaktor-júrgizýshi jáne redaktor-taldaýshy qyzmetterin atqardy.
Keiin respýblikalyq basylymdardyń menshikti tilshisi bolyp jumys istep, Mańǵystaý oblysy ákiminiń baspasóz qyzmetinde eńbek etti.
2021 jyldan bastap Mańǵystaý oblysy ákimi apparatynda óńirlik damý jáne taldaý baǵytynda qyzmet atqarǵan.
Sol jyldyń jeltoqsan aiynda oblystyq Qoǵamdyq kommýnikatsiia ortalyǵynyń direktory bolyp taǵaiyndalyp, bul laýazymdy 2025 jylǵy naýryzǵa deiin atqardy.
Odan keiin Aqtaý qalasynyń jergilikti atqarýshy organdary júiesinde jumys istedi. Al 2025 jylǵy qazan aiynan bastap Mańǵystaý oblysy ákimi apparaty basshysynyń orynbasary boldy.
Aida Týleeva – Qazaqstan Jýrnalister odaǵynyń múshesi jáne «Aqparat salasynyń úzdigi» tósbelgisiniń iegeri.
Sondai-aq ol sport sheberligine úmitker, Mańǵystaý oblysynyń kórkem jáne estetikalyq gimnastika federatsiiasynyń prezidenti.
