«Kezdesý barysynda apatty ǵimarattar, qurylystar, gaz qubyrlary boiynsha eń ózekti degen máseleler talqylandy. Atalǵan máselelerdiń barlyǵy birinshi kezekte pysyqtalatyn bolady. Sondai-aq qoldanystaǵy koks batareialaryn jóndeý jáne salý mańyzdy», - dedi KHÓ bas injeneri Anatolii Fadeev.
Esterińizge sala keteiik, jeltoqsan aiynda kompaniianyń segiz shahtasynyń tek ekeýi ǵana jumys istegen bolatyn. Jumystyń turyp qalýy óndiristik kórsetkishterge de, kenshilerdiń jalaqysyna da keri áser etedi.
Kómir departamentiniń direktory Jaqan Muhamedjanov 29 jeltoqsanda Abai shahtasynda lava 311-K18s óndirý jumystaryna kiriskenin habarlady. Qýaty 2,1 metr bolatyn jańa lava K18 markaly kómir shyǵarady..
Sondai-aq, kompaniia basshylyǵyna Saran shahtasynyń jaǵdaiy tanystyryldy. Biyl onda birneshe lavany iske qosý josparlanyp otyr.
"Biz 600 metr tereńdikke túsýdi júzege asyrdyq. Onda biz naýryz aiynda iske qosýdy josparlap otyrǵan 71 K-12/3 bolashaq lavanyń montajdaý kamerasyna bardyq. Sonymen qatar taǵy bir 41 K7 v lava bolady. Bul K12 jáne K7 markaly kómir óndirýdiń jyldyq kólemine 1,3 mln tonnaǵa deiin shyǵýǵa jaǵdai jasaidy", - dep atap ótti Saran shahtasynyń direktory Sergei Bamiler.
Inspektsiia qorytyndysy boiynsha Andrei Lavrentev shahterlerdiń ózderi usynǵan jańashyldyq protsesterin egjei-tegjeili qaita zerdeleýdi tapsyrdy.
