Prokýratýra mal sharýashylyǵy nysandaryn sýmen qamtamasyz etýge arnalǵan sýbsidiialardy bólý kezinde zańbuzýshylyqtardy anyqtady, dep habarlaidy Dalanews.kz.
Abai oblysynda mamandandyrylǵan tabiǵat qorǵaý prokýratýrasy jaiylymdardy sýlandyrý men mal sharýashylyǵy nysandaryn sýmen qamtamasyz etýge jumsalǵan shyǵyndardyń bir bóligin óteý boiynsha sýbsidiialar bólý barysynda zańbuzýshylyqtardy anyqtady.
Qoldanystaǵy zańnamaǵa sáikes, sýbsidiia alýdyń sharttarynyń biri – arnaiy sý paidalaný ruqsatynyń bolýy bolyp tabylady.
Alaida Aýyl sharýashylyǵy basqarmasy basshysynyń orynbasary men mamany tiisti ruqsattarsyz jalpy somasy 24 mln teńge bolatyn 35 sýbsidiiany zańsyz bólgen.
Prokýrorlyq qadaǵalaý aktisiniń nátijesinde atalǵan tulǵalarǵa qyzmetine tolyq sáikes emestigi týraly eskertý túrinde tártiptik jaza qoldanyldy.
Mamandandyrylǵan tabiǵat qorǵaý prokýratýrasy sý resýrstaryn utymdy paidalaný jáne biýdjet qarajatyn maqsatty jumsaý salasynda zańdylyqty qamtamasyz etý boiynsha júieli jumysyn jalǵastyrýda.
