پروكۋراتۋرا مال شارۋاشىلىعى نىساندارىن سۋمەن قامتاماسىز ەتۋگە ارنالعان سۋبسيديالاردى ءبولۋ كەزىندە زاڭبۇزۋشىلىقتاردى انىقتادى، دەپ حابارلايدى Dalanews.kz.
اباي وبلىسىندا مامانداندىرىلعان تابيعات قورعاۋ پروكۋراتۋراسى جايىلىمداردى سۋلاندىرۋ مەن مال شارۋاشىلىعى نىساندارىن سۋمەن قامتاماسىز ەتۋگە جۇمسالعان شىعىنداردىڭ ءبىر بولىگىن وتەۋ بويىنشا سۋبسيديالار ءبولۋ بارىسىندا زاڭبۇزۋشىلىقتاردى انىقتادى.
قولدانىستاعى زاڭناماعا سايكەس، سۋبسيديا الۋدىڭ شارتتارىنىڭ ءبىرى – ارنايى سۋ پايدالانۋ رۇقساتىنىڭ بولۋى بولىپ تابىلادى.
الايدا اۋىل شارۋاشىلىعى باسقارماسى باسشىسىنىڭ ورىنباسارى مەن مامانى ءتيىستى رۇقساتتارسىز جالپى سوماسى 24 ملن تەڭگە بولاتىن 35 سۋبسيديانى زاڭسىز بولگەن.
پروكۋرورلىق قاداعالاۋ اكتىسىنىڭ ناتيجەسىندە اتالعان تۇلعالارعا قىزمەتىنە تولىق سايكەس ەمەستىگى تۋرالى ەسكەرتۋ تۇرىندە تارتىپتىك جازا قولدانىلدى.
مامانداندىرىلعان تابيعات قورعاۋ پروكۋراتۋراسى سۋ رەسۋرستارىن ۇتىمدى پايدالانۋ جانە بيۋدجەت قاراجاتىن ماقساتتى جۇمساۋ سالاسىندا زاڭدىلىقتى قامتاماسىز ەتۋ بويىنشا جۇيەلى جۇمىسىن جالعاستىرۋدا.
