Talǵarda Sherzat Bolattyń óliminen keıin kadrlyq "tazalaý" júrgen edi. Búgin aımaqta taǵaıyndaý bastalyp, Talǵar aýdany ákimi apparatynyń basshysy taǵaıyndaldyi,- dep habarlaıdy Dalanews.kz.
Talǵar aýdany ákimdiginiń baspasóz qyzmetiniń málimetine súıensek, Talǵar aýdany ákimi apparatynyń basshysy laýazymyna Abdalımov Nýrjan Dıhanbekovıch taǵaıyndaldy.
Nýrjan Dıhanbekovıch 1988 jyly 10 maýsymda dúnıege kelgen. Bilimi joǵary. Qazaq qatynas joldary ýnıversıtetin keden isi mamandyǵy boıynsha bitirgen. Sonymen qatar, «Qaınar» akademıasynda quqyqtaný magıstri dárejesin alǵan.
• 2011 jyly «Almaty qalasynyń aqparattyq júıeler ortalyǵy» KMK-da aǵa operator;
• 2011-2015 jyldary Almaty qalasy Alataý aýdany ákiminiń apparatynda kásipkerlik pen ónerkásipti damytý jónindegi bóliminiń mamany;
• 2015 jyly memlekettik-quqyqtyq bóliminiń basshysy;
• 2015-2018 jyldary kásipkerlik pen ónerkásipti damytý bóliminiń basshysy;
• 2018-2019 jyldary memlekettik-quqyqtyq bóliminiń bas mamany;
• 2019-2021 jyldary «AlmatyElektroTrans» JSHS-de bólim basshysy;
• 2023 jyldyń sáýirinen bastap búginge deıin Talǵar aýdany ákiminiń apparaty memlekettik-quqyqtyq bóliminiń basshysy qyzmetin atqarǵan.
Aıta keteıik, 15 qazanda Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.
Eske salaıyq, 4 qazanda túnde Talǵarda 16 jastaǵy jasóspirim óltirildi. Qaıǵyly oqıǵa bolǵan kúni Sherzat Bolat dúkende jumys isteıtin ákesine kómektesken.
Kámeletke tolmaǵan balany óltirý deregi boıynsha Almaty oblysynyń polısıa departamenti qylmystyq is qozǵady.
Qazirgi tańda kináli dep tanylǵandar ustalyp, ýaqytsha ustaý ızolátoryna qamaýǵa alyndy.
Sonymen qatar, Almaty oblystyq polısıa departamenti bastyǵynyń mindetin atqarýshy Shalqarov tóbelesten keıin qansha qarý tárkilengenin aıtty.
Keıinirek Almaty oblysy prokýrorynyń orynbasary men Talǵar aýdanynyń prokýrory qyzmetinen bosatyldy.
Sonymen qatar, Talǵar aýdany ákimi apparatynyń basshysy, Hasan Qasymbaevtyń aǵasy Aslan Qasymbaev qyzmetinen ketti.
