QR Ulttyq banki men Ulttyq tólem korporatsiiasy bankaralyq QR tólemderin engizý boiynsha pilottyq jobany iske qosty. Alǵashqy tranzaktsiia 15 qarashada Almatyda ótken Qazaqstan qarjygerleriniń kongresi aiasynda ekinshi deńgeili eki banktiń qatysýymen jasaldy, dep habarlaidy Dalanews.kz.
Bankaralyq QR tólem qyzmeti azamattarǵa QR tólemderin jyldam jáne yńǵaily júrgizýge múmkindik beretin Ulttyq tsifrlyq qarjylyq infraqurylymnyń (NDFI) quramdas bólikteriniń biri bolyp sanalady.
Bul jańashyldyq bankaralyq QR tólemderin engizý kásipkerlik sýbektilerine ártúrli bankterdiń birneshe terminaldaryn ornatý qunyn tómendetýge, al azamattarǵa QR-kod arqyly eldegi kez kelgen banktiń terminaly arqyly tólem jasaýǵa múmkindik beredi. Óz kezeginde bankter NDFI infraqurylymyna qatysý aiasynda bankaralyq tranzaktsiialardy óńdeý qunyn tómendetý jáne klientterge tólem qyzmetterin keńeitý esebinen shyǵyndardy ońtailandyrýǵa múmkindik alady.
Qazirgi ýaqytta bankaralyq QR tólem júiesiniń fýnktsionaldyǵy qamtamasyz etilip, qatysýshy bankterdi kezeń-kezeńimen qosý jumystary júrgizilip jatyr. Jobanyń keńinen qoldanysy 2025 jyly bolady dep josparlanǵan.
Buǵan deiin QR Ulttyq banki ulttyq valiýta – teńge kúniniń qurmetine orai 2025 jyldyń I toqsanynda jańa "Tsifrlyq investitsiialyq moneta" jobasyn iske qosý josparymen bólisken.
Qarjygerler kongresinde sóilegen sózinde Ulttyq bank tóraǵasy Tmýr Súleimenov Qazaqstan Ortalyq Aziia aimaǵyndaǵy eń úzdik, úlgi alarlyq tsifrlyq ortalyq bank qurýǵa bet alǵanyn, onyń ishinde Tsifrlyq teńge platformasy, Open API & Open Banking platformasy men ulttyq tólem júieleri siiaqty jobalar baryn aitqan bolatyn.
