Resei ishki naryqtaǵy janarmai tapshylyǵyn azaitý úshin Qazaqstannan AI-92 markaly benzin jetkizýdi surady, dep habarlaidy dalanews.kz.
Reuters málimetinshe, Máskeý shamamen 50 myń tonna AI-92 benzinin importtaý máselesin talqylap jatyr. Buǵan birqatar munai óńdeý zaýyttarynyń toqtap qalýy men jospardan tys jóndeý jumystary sebep bolǵan.
Reuters málimetinshe, maýsym aiynyń sońyna qarai dron shabýyldarynyń saldarynan Reseidiń ortalyq bóligindegi janarmai óndirisi 25 paiyzǵa tómendegen.
Osyǵan bailanysty Resei biligi ishki naryqty turaqtandyrý úshin birneshe sharany qarastyrýda. Olardyń qatarynda janarmai eksportyna shekteý engizý, munai óńdeý zaýyttaryna beriletin sýbsidiialardy keńeitý jáne benzin importyn ulǵaitý bar.
Sarapshylardyń aitýynsha, álemdegi eń iri janarmai eksporttaýshylardyń biri sanalatyn Resei úshin benzin importtaý – sirek kezdesetin qadam.
Bloomberg dereginshe, Reseide ishki naryq úshin janarmai sapasyna qoiylatyn talaptardy ýaqytsha jeńildetý jáne teńiz arqyly benzin jetkizýdi uiymdastyrý múmkindigi de qarastyrylyp jatyr.
Buǵan deiin Resei Qazaqstannan aviaotyn jetkizý máselesin de talqylaǵan bolatyn.
