Atyraý oblysynda 90 jastaǵy qariianyń óz uly tarapynan qorlyq kórgeni týraly málimetke bailanysty qylmystyq is qozǵaldy, dep habarlaidy dalanews.kz.
Oqiǵa Qyzylqoǵa aýdanyna qarasty Saǵyz aýylynda bolǵan. Týystarynyń aitýynsha, qariiany úide erkinen tys ustap, syrtqa shyǵarmaǵan. Aqsaqaldyń ózi oǵan tamaq pen sý berilmegenin, qol-aiaǵyn bailap qoiǵan kezder bolǵanyn aitqan.
Jaqyndarynyń sózinshe, qariia bir kúni qaishy taýyp, skotchty qiyp bosanyp shyqqan. Keiin tún ishinde tereze arqyly syrtqa shyǵyp, týǵan baýyrynyń úiine jetip, kómek suraǵan.
Týystary bul iske zeinetkerdiń ulynyń qatysy bolýy múmkin ekenin aityp, kinálilerdi jaýapqa tartýdy talap etýde.
Atyraý oblystyq politsiia departamenti 19 maýsymda densaýlyqqa jeńil ziian keltirý faktisi boiynsha qylmystyq is qozǵalǵanyn habarlady.
«Qazirgi ýaqytta oqiǵanyń barlyq mán-jaiyn jan-jaqty, tolyq jáne obektivti anyqtaýǵa baǵyttalǵan tergeý amaldary júrgizilip jatyr. Tergeý múddesine bailanysty ózge aqparat jariialanbaidy», – dep málimdedi politsiia.
