اتىراۋ وبلىسىندا 90 جاستاعى قارييانىڭ ٶز ۇلى تاراپىنان قورلىق كٶرگەنٸ تۋرالى مەلٸمەتكە بايلانىستى قىلمىستىق ٸس قوزعالدى, دەپ حابارلايدى dalanews.kz.
وقيعا قىزىلقوعا اۋدانىنا قاراستى ساعىز اۋىلىندا بولعان. تۋىستارىنىڭ ايتۋىنشا, قارييانى ٷيدە ەركٸنەن تىس ۇستاپ, سىرتقا شىعارماعان. اقساقالدىڭ ٶزٸ وعان تاماق پەن سۋ بەرٸلمەگەنٸن, قول-اياعىن بايلاپ قويعان كەزدەر بولعانىن ايتقان.
جاقىندارىنىڭ سٶزٸنشە, قارييا بٸر كٷنٸ قايشى تاۋىپ, سكوتچتى قيىپ بوسانىپ شىققان. كەيٸن تٷن ٸشٸندە تەرەزە ارقىلى سىرتقا شىعىپ, تۋعان باۋىرىنىڭ ٷيٸنە جەتٸپ, كٶمەك سۇراعان.
تۋىستارى بۇل ٸسكە زەينەتكەردٸڭ ۇلىنىڭ قاتىسى بولۋى مٷمكٸن ەكەنٸن ايتىپ, كٸنەلٸلەردٸ جاۋاپقا تارتۋدى تالاپ ەتۋدە.
اتىراۋ وبلىستىق پوليتسييا دەپارتامەنتٸ 19 ماۋسىمدا دەنساۋلىققا جەڭٸل زييان كەلتٸرۋ فاكتٸسٸ بويىنشا قىلمىستىق ٸس قوزعالعانىن حابارلادى.
«قازٸرگٸ ۋاقىتتا وقيعانىڭ بارلىق مەن-جايىن جان-جاقتى, تولىق جەنە وبەكتيۆتٸ انىقتاۋعا باعىتتالعان تەرگەۋ امالدارى جٷرگٸزٸلٸپ جاتىر. تەرگەۋ مٷددەسٸنە بايلانىستى ٶزگە اقپارات جارييالانبايدى», – دەپ مەلٸمدەدٸ پوليتسييا.
