Kaspi.kz búgin Túrkiianyń Banktik retteý jáne qadaǵalaý agenttiginen (BDDK) túrkiialyq Rabobank A.Ş. -ti satyp alýǵa ruqsat aldy, dep habarlaidy dalanews.kz.
Mámile barlyq standartty talaptar oryndalǵan jaǵdaida 2026 jyldyń shilde aiynda jabylady dep kútilýde.
Kaspi.kz basshysy ári negizin qalaýshylardyń biri Mihail Lomtadze:
«Biz Túrkiiadaǵy Rabobank A.Ş.-ty satyp alýǵa BDDK maquldaýyn alǵanymyzǵa qýanyshtymyz. Bul Kaspi.kz úshin mańyzdy kezeń jáne túrik naryǵynda biznesimizdi damytýdaǵy úlken jetistik. Jumys barysynda ózara tiimdi áreket etkeni úshin BDDK men tiisti organdarǵa alǵys aitamyz. Kaspi.kz – qazaqstandyq jetekshi tehnologiialyq kompaniia, Túrkiiada biznesimizdi damytý biz úshin úlken mártebe. Mámile aiaqtalǵannan keiin biz Túrkiiadaǵy tutynýshylar men kásipkerler úshin tsifrlyq múmkindikterdi keńeite otyryp, tólemder, elektrondyq kommertsiia jáne qarjyteh salasyndaǵy tájiribemizdi qoldanýdy josparlap otyrmyz. Bul baǵyttaǵy jumysymyz endi ǵana bastalyp keledi jáne Kaspi.kz-tiń aldaǵy múmkindikterine zor yqylaspen qaraimyz».
Buǵan deiin Kaspi.kz Rabobank tobymen Rabobank-tyń túrkiialyq enshiles kompaniiasy – Rabobank A.Ş.-ty satyp alý týraly aktsiialardy satyp alý-satý shartyna qol qoiǵan bolatyn.
Rabobank A.Ş. – Túrkiiadaǵy litsenziiasy bar bank, onyń qaryz alýshy klientteri de, salymshylary da, sondai-aq filialdyq jelisi de joq.
Kaspi.kz týraly
Kaspi.kz missiiasy – súiikti klientteri men seriktesteriniń ómirin jaqsartatyn innovatsiialyq ónimder men servisterdi jasaý.
Kaspi.kz servisterin Qazaqstan men Túrkiiada 25 millionnan astam klient jáne 900 myń seriktes paidalanady.
Qazaqstanda Kaspi.kz sýperqosymshasy tólemderdi, elektrondyq kommertsiiany, onlain-sýpermarketti, finteh qyzmetterin, saiahat servisterin, habarlandyrýlardy, memlekettik qyzmetterdi jáne kúndelikti ómirge qajetti basqa da qyzmetterdi biriktiredi.
Túrkiiada Kaspi.kz eldegi jetekshi elektrondyq kommertsiia platformalarynyń biri bolyp sanalatyn Hepsiburada kompaniiasyna ielik etedi.
