Shyǵys Qazaqstan oblysynda esirtki saýdasyna kúdikti er adamnan 2,8 keliden astam marihýana tárkilendi, dep habarlaidy dalanews.kz.
Ishki ister ministrliginiń málimetinshe, aqparat «Qarasora – 2026» jedel-profilaktikalyq is-sharasy aiasynda túsken. Tyiym salynǵan zatty ótkizý kezinde Óskemen qalasynyń 49 jastaǵy turǵyny ustalǵan.
Kúdiktiniń úiinde júrgizilgen tintý barysynda politseiler birneshe iri kólemdegi esirtki zattaryn tapqan. Saraptama qorytyndysy boiynsha tárkilengen zattyń marihýana ekeni anyqtaldy. Onyń jalpy salmaǵy 2,8 keliden asqan.
Sonymen qatar tintý kezinde 1 million teńgeden astam qolma-qol aqsha tárkilengen.
Qazir atalǵan derek boiynsha sotqa deiingi tergeý júrgizilip jatyr. Kúdikti ýaqytsha ustaý izoliatoryna qamaldy.
