Qazaqstanda basshylar men memlekettik qyzmetkerlerdiń ortasha ailyq jalaqysy 761 981 teńgeni qurady. Alaida eń joǵary jáne eń tómen jalaqy alatyn basshylar arasyndaǵy aiyrmashylyq 15 eseden asady, dep habarlaidy dalanews.kz.
Ulttyq statistika biýrosynyń derekterine sáikes, eń joǵary jalaqy sý kóligi salasyndaǵy basshylarǵa tiesili. Bul salada jetekshiler orta eseppen aiyna 4,6 million teńge alady.
Ekinshi orynda temeki ónimderin óndirý salasynyń basshylary tur. Olardyń ortasha jalaqysy – 3,16 million teńge. Úshinshi oryn áýe jolaýshylar tasymaly salasyna tiesili, munda basshylardyń tabysy aiyna 2,85 million teńgeni quraidy.
Sondai-aq jarnama, saqtandyrý, munai-gaz óndirý, aqparattyq tehnologiialar jáne basqarýshylyq konsalting salalarynda qyzmet etetin basshylardyń jalaqysy 2 million teńgeden asady.
Al memlekettik jáne áleýmettik salalardaǵy kórsetkishter aitarlyqtai tómen. Máselen, memlekettik basqarý salasyndaǵy basshylardyń ortasha ailyǵy 514 myń teńge bolsa, bilim berý salasynda – 444 myń teńge.
Eń tómen kórsetkish mektepke deiingi bilim berý uiymdary basshylary arasynda tirkelgen. Olardyń ortasha jalaqysy nebári 295 811 teńgeni quraidy.
Salystyrý úshin aitsaq, 2025 jyly Qazaqstandaǵy ortasha jalaqy 461 486 teńge bolǵan. Al halyqtyń naqty tabys deńgeiin dálirek kórsetetin medianalyq jalaqy 331 527 teńgeni qurady.
