2024 jyly 14 qarashada Oljas Bektenov "Rosatom" atom energıasy jónindegi memlekettik korporasıasynyń bas dırektory Alekseı Lıhachevpen kezdesý ótkizdi, dep habarlaıdy Dalanews.kz.
"Atom energetıkasy, kvanttyq tehnologıalar, sıfrlandyrý, sondaı-aq quzyretter men tehnologıalar almasý, kadrlyq áleýetti damytý salalaryndaǵy yntymaqtastyq máseleleri talqylandy. Kezdesýge qatysýshylar atalǵan salalardaǵy zamanaýı tehnologıalarǵa qatysty ózekti máselelerdi qarastyrdy", delingen Úkimet habarlamasynda.
Sondaı-aq salalardy odan ári damytýǵa baǵyttalǵan túrli elder sarapshylary arasyndaǵy ózara is-qımyly máseleleri atap ótildi.
Buǵan deıin Bakýda ótip jatqan BUU-nyń COP29 klımattyń ózgerýi jónindegi konferensıasy aıasynda Qazaqstannyń Parıj kelisiminiń maqsattaryn oryndaý úshin álemdik ekonomıkany dekarbonızasıalaýdy jedeldetýge jáne parnıktik gazdar shyǵaryndylaryn azaıtýǵa baǵyttalǵan 2050 jylǵa qaraı atom energetıkasyn úsh ese ulǵaıtý jónindegi deklarasıaǵa qosylatyny belgili bolǵan edi.
