2024 جىلى 14 قاراشادا ولجاس بەكتەنوۆ "روساتوم" اتوم ەنەرگياسى جونىندەگى مەملەكەتتىك كورپوراسياسىنىڭ باس ديرەكتورى الەكسەي ليحاچيەۆپەن كەزدەسۋ وتكىزدى، دەپ حابارلايدى Dalanews.kz.
"اتوم ەنەرگەتيكاسى، كۆانتتىق تەحنولوگيالار، سيفرلاندىرۋ، سونداي-اق قۇزىرەتتەر مەن تەحنولوگيالار الماسۋ، كادرلىق الەۋەتتى دامىتۋ سالالارىنداعى ىنتىماقتاستىق ماسەلەلەرى تالقىلاندى. كەزدەسۋگە قاتىسۋشىلار اتالعان سالالارداعى زاماناۋي تەحنولوگيالارعا قاتىستى وزەكتى ماسەلەلەردى قاراستىردى"، دەلىنگەن ۇكىمەت حابارلاماسىندا.
سونداي-اق سالالاردى ودان ءارى دامىتۋعا باعىتتالعان ءتۇرلى ەلدەر ساراپشىلارى اراسىنداعى ءوزارا ءىس-قيمىلى ماسەلەلەرى اتاپ ءوتىلدى.
بۇعان دەيىن باكۋدا ءوتىپ جاتقان بۇۇ-نىڭ COP29 كليماتتىڭ وزگەرۋى جونىندەگى كونفەرەنسياسى اياسىندا قازاقستاننىڭ پاريج كەلىسىمىنىڭ ماقساتتارىن ورىنداۋ ءۇشىن الەمدىك ەكونوميكانى دەكاربونيزاسيالاۋدى جەدەلدەتۋگە جانە پارنيكتىك گازدار شىعارىندىلارىن ازايتۋعا باعىتتالعان 2050 جىلعا قاراي اتوم ەنەرگەتيكاسىن ءۇش ەسە ۇلعايتۋ جونىندەگى دەكلاراسياعا قوسىلاتىنى بەلگىلى بولعان ەدى.
