Prezident Jylqy sharýashylyǵy institýtyn qurýdy tapsyrdy, - dep habarlaidy Dalanews.kz.
«Qazir elimizde jylqy sany úzdiksiz ósip keledi. Bul – jaqsy úrdis. Degenmen asyl tuqymdy jylqynyń úlesi bir paiyzǵa da jetpeidi, iaǵni 4,2 million jylqynyń 40 myńy ǵana asyl tuqymdy. Sondyqtan mal tuqymyn asyldandyrý jumysyna basa mán bergen jón.
Qazaqstanda jylqynyń birneshe túri bar. Onyń ishinde qazaqpen birge jasap kele jatqan jabynyń orny erekshe. Keiin oǵan Qostanai, Kóshim jáne Muǵaljar tuqymdary qosyldy. Árqaisysynyń óz ereksheligi bar.
Men buǵan deiin Adai jylqysy Mańǵystaýdyń baǵa jetpes qazynasy ekenin aittym. Ony álemge tanytý úshin naqty sharalar qabyldaýdy tapsyrdym. Qazir Adai jylqysy resmi túrde bólek tuqym retinde tirkeldi. Bul arǵymaqtar Uly dala joryǵynda, basqa da alaman báigelerde top jaryp júr. Qostanai jylqysy da myqty ekeni belgili, alaida, joǵalyp ketýdiń az-aq aldynda tur, nebári 280 bas qaldy. Sondyqtan jylqynyń sanymen qatar, sapasyn arttyrý – mańyzdy mindet.
Biyl qazaq jylqysynyń tuqymyn saqtaý jáne kóbeitý úshin arnaiy zań qabyldadyq. Endi bul baǵytta taǵy bir mańyzdy qadam jasaimyz. Men Úkimetke Jylqy sharýashylyǵy institýtyn qurýdy tapsyramyn. Bilikti mamandar muny kópten beri aityp júr. Quzyrly organdar qysqa merzim ishinde osy máseleni pysyqtap, qarjy kózderin naqtylaýy kerek»
