Talǵarda Sherzat Bolattyń óliminen keiin kadrlyq "tazalaý" júrgen edi. Búgin aimaqta taǵaiyndaý bastalyp, Talǵar aýdany ákimi apparatynyń basshysy taǵaiyndaldyi,- dep habarlaidy Dalanews.kz.
Talǵar aýdany ákimdiginiń baspasóz qyzmetiniń málimetine súiensek, Talǵar aýdany ákimi apparatynyń basshysy laýazymyna Abdalimov Nýrjan Dihanbekovich taǵaiyndaldy.
Nýrjan Dihanbekovich 1988 jyly 10 maýsymda dúniege kelgen. Bilimi joǵary. Qazaq qatynas joldary ýniversitetin keden isi mamandyǵy boiynsha bitirgen. Sonymen qatar, «Qainar» akademiiasynda quqyqtaný magistri dárejesin alǵan.
• 2011 jyly «Almaty qalasynyń aqparattyq júieler ortalyǵy» KMK-da aǵa operator;
• 2011-2015 jyldary Almaty qalasy Alataý aýdany ákiminiń apparatynda kásipkerlik pen ónerkásipti damytý jónindegi bóliminiń mamany;
• 2015 jyly memlekettik-quqyqtyq bóliminiń basshysy;
• 2015-2018 jyldary kásipkerlik pen ónerkásipti damytý bóliminiń basshysy;
• 2018-2019 jyldary memlekettik-quqyqtyq bóliminiń bas mamany;
• 2019-2021 jyldary «AlmatyElektroTrans» JShS-de bólim basshysy;
• 2023 jyldyń sáýirinen bastap búginge deiin Talǵar aýdany ákiminiń apparaty memlekettik-quqyqtyq bóliminiń basshysy qyzmetin atqarǵan.
Aita keteiik, 15 qazanda Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tiisti deńgeide atqarmaǵany úshin laýazymdarynan bosatyldy.
Eske salaiyq, 4 qazanda túnde Talǵarda 16 jastaǵy jasóspirim óltirildi. Qaiǵyly oqiǵa bolǵan kúni Sherzat Bolat dúkende jumys isteitin ákesine kómektesken.
Kámeletke tolmaǵan balany óltirý deregi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵandar ustalyp, ýaqytsha ustaý izoliatoryna qamaýǵa alyndy.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Keiinirek Almaty oblysy prokýrorynyń orynbasary men Talǵar aýdanynyń prokýrory qyzmetinen bosatyldy.
Sonymen qatar, Talǵar aýdany ákimi apparatynyń basshysy, Hasan Qasymbaevtyń aǵasy Aslan Qasymbaev qyzmetinen ketti.
