تالعاردا شەرزات بولاتتىڭ ولىمىنەن كەيىن كادرلىق "تازالاۋ" جۇرگەن ەدى. بۇگىن ايماقتا تاعايىنداۋ باستالىپ، تالعار اۋدانى اكىمى اپپاراتىنىڭ باسشىسى ءتاعايىندالدىى،- دەپ حابارلايدى Dalanews.kz.
تالعار اۋدانى اكىمدىگىنىڭ باسپا ءسوز قىزمەتىنىڭ مالىمەتىنە سۇيەنسەك، تالعار اۋدانى اكىمى اپپاراتىنىڭ باسشىسى لاۋازىمىنا ابداليموۆ نۋرجان ديحانبەكوۆيچ تاعايىندالدى.
نۋرجان ديحانبەكوۆيچ 1988 جىلى 10 ماۋسىمدا دۇنيەگە كەلگەن. ءبىلىمى جوعارى. قازاق قاتىناس جولدارى ۋنيۆەرسيتەتىن كەدەن ءىسى ماماندىعى بويىنشا بىتىرگەن. سونىمەن قاتار، «قاينار» اكادەمياسىندا قۇقىقتانۋ ماگيسترى دارەجەسىن العان.
• 2011 جىلى «الماتى قالاسىنىڭ اقپاراتتىق جۇيەلەر ورتالىعى» كمك-دا اعا وپەراتور؛
• 2011-2015 جىلدارى الماتى قالاسى الاتاۋ اۋدانى اكىمىنىڭ اپپاراتىندا كاسىپكەرلىك پەن ونەركاسىپتى دامىتۋ جونىندەگى ءبولىمىنىڭ مامانى؛
• 2015 جىلى مەملەكەتتىك-قۇقىقتىق ءبولىمىنىڭ باسشىسى؛
• 2015-2018 جىلدارى كاسىپكەرلىك پەن ونەركاسىپتى دامىتۋ ءبولىمىنىڭ باسشىسى؛
• 2018-2019 جىلدارى مەملەكەتتىك-قۇقىقتىق ءبولىمىنىڭ باس مامانى؛
• 2019-2021 جىلدارى «الماتىەلەكتروترانس» جشس-دە ءبولىم باسشىسى؛
• 2023 جىلدىڭ ساۋىرىنەن باستاپ بۇگىنگە دەيىن تالعار اۋدانى اكىمىنىڭ اپپاراتى مەملەكەتتىك-قۇقىقتىق ءبولىمىنىڭ باسشىسى قىزمەتىن اتقارعان.
ايتا كەتەيىك، 15 قازاندا تالعار قالاسىنىڭ اكىمى قۋاتبەك ۇلى باحىت كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلدى.
ەسكە سالايىق، 4 قازاندا تۇندە تالعاردا 16 جاستاعى ءجاسوسپىرىم ءولتىرىلدى. قايعىلى وقيعا بولعان كۇنى شەرزات بولات دۇكەندە جۇمىس ىستەيتىن اكەسىنە كومەكتەسكەن.
كامەلەتكە تولماعان بالانى ءولتىرۋ دەرەگى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعاندار ۇستالىپ، ۋاقىتشا ۇستاۋ يزولياتورىنا قاماۋعا الىندى.
سونىمەن قاتار، الماتى وبلىستىق پوليسيا دەپارتامەنتى باستىعىنىڭ مىندەتىن اتقارۋشى شالقاروۆ توبەلەستەن كەيىن قانشا قارۋ تاركىلەنگەنىن ايتتى.
كەيىنىرەك الماتى وبلىسى پروكۋرورىنىڭ ورىنباسارى مەن تالعار اۋدانىنىڭ پروكۋرورى قىزمەتىنەن بوساتىلدى.
سونىمەن قاتار، تالعار اۋدانى اكىمى اپپاراتىنىڭ باسشىسى، حاسان قاسىمبايەۆتىڭ اعاسى اسلان قاسىمبايەۆ قىزمەتىنەن كەتتى.
