SQO-da aýdan ákiminiń orynbasary para alǵany úshin 7 jyl 6 aiǵa bas bostandyǵynan aiyryldy, dep habarlaidy Dalanews.kz.
Antikordyń málimetinshe, 2024 jyldyń 30 qazanynda Petropavl qalalyq soty Soltústik Qazaqstan oblysy Taiynsha aýdany ákiminiń orynbasary, aýdandyq TKSh bóliminiń basshysy jáne JShS direktoryna qatysty úkim shyǵardy.
"Aýdan ákiminiń orynbasary jáne aýdandyq TKSh bóliminiń basshysy aýdandyq mańyzy bar joldardy aǵymdaǵy jóndeý boiynsha oryndalǵan jumystar aktilerine kedergisiz qol qoiǵany úshin 10 mln teńge kóleminde para alǵany úshin, al JShS direktory para bergeni úshin kináli dep tanyldy", - delingen habarlamada.
Sot úkimimen aýdan ákiminiń orynbasary 7 jyl 6 aiǵa bas bostandyǵynan aiyryldy, aýdandyq TKSh bóliminiń basshysy – 7 jylǵa, JShS direktory – 3 jyl 6 aiǵa sottaldy. Budan basqa, sottalǵandarǵa memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiy tyiym salyndy.
Sot aktisi zańdy kúshine engen joq.
