“Ulttyq aqparattyq tehnologiialar” aktsionerlik qoǵamy eGov Mobile qosymshasyna jańa fýnktsiialar engizilgenin málimdedi, dep habarlaidy Dalanews.kz.
Endi qazaqstandyqtar eGov Mobile qosymshasy arqyly áskeri qyzmet týraly derekterdi ala alady jáne jibere alady. Bul «Tsifrlyq málimetter» servisiniń jańartylýy arqasynda múmkin boldy.
Endi paidalanýshylar ózderiniń áskeri qyzmetke shaqyrylý mártebesi men áskeri qyzmetke shaqyrý týraly aqparatty smartfonynan tikelei qarap, bólise alady. Jańa fýnktsiialar derekterge qoljetimdilikti odan ári yńǵaily jáne jeńil etedi.
Qosymshanyń jańartylǵan nusqasynda eki jańa tsifrlyq málimetter qoljetimdi:
- Áskeri qyzmetke shaqyrý týraly aqparat – azamattyń shaqyrý mártebesi týraly aqparat.
- Áskeri qyzmetke qatysýǵa qatysty málimetter – azamattyń áskeri mindettilik mártebesi týraly ózekti aqparat.
Azamat óz málimetterin JSN, kompaniianyń BSN-i nemese mobildi azamattar bazasyna tirkelgen telefon nómiri arqyly óz betinshe jibere alady. Sonymen qatar, derekterdi jumys berýshiniń tikelei suraýy salýy boiynsha da jiberýge bolady — ol úshin jumys berýshi JSN nemese telefon nómiri arqyly suraý salý jiberedi. Sodan keiin paidalanýshy habarlama alady jáne suraý salýdy rastaidy nemese ony keri qaitarady. Derekterdi eGov Mobile qosymshasyna tikelei silteme arqyly messendjerler nemese poshta arqyly jiberýge bolatynyn atap ótemiz.
Servisti paidalaný úshin:
- eGov Mobile qosymshasynda avtorizatsiialanyp, «Málimetter» bólimine ótý.
- «Tarih» bóliminde málimetterge qol jetimdilik berýge kelgen suraý salýlardy qarap shyǵý.
- Málimetterdi berýge ruqsat berý nemese suraý salýdy qabyldamaý.
- Qajet bolǵan jaǵdaida, buryn berilgen málimetterdi «Qaitaryp alý» batyrmasyn basý arqyly qaitaryp alý qajet.
Budan basqa, paidalanýshylar málimetterge suraý salýlar tarihyn tekserip, qajet bolǵan jaǵdaida buryn berilgen málimetterge qoljetimdilikti basqarýǵa, olardy qaitaryp alýǵa múmkindigi bar.
Jańa fýnktsionaldy jańartý QR Qorǵanys ministrligi, QR Tsifrlyq damý, innovatsiialar jáne aeroǵarysh ónerkásibi ministrliginiń Memlekettik kórsetiletin qyzmetter komiteti jáne «Ulttyq aqparattyq tehnologiialar» AQ birlesken jumysynyń arqasynda iske asyryldy.
