Memleket basshysy Qasym-Jomart Toqaev kelesi Ulttyq quryltai qaida ótetinin aitty, - dep habarlaidy Dalanews.kz.
Qasym-Jomart Toqaev aýyl sharýashylyǵy eńbekkerleriniń birinshi forýmynda sóz sóiledi.
"Biz árbir ózgeristi muqiiat oilastyra otyryp júzege asyrýymyz kerek. Bastamalardyń aqylǵa qonymdy jáne qazirgi ahýalǵa sai bolǵany mańyzdy. Burynǵy jospardyń bárin qazirgi kúnniń talabyna laiyqtap, túzetý qajet. Men buǵan deiin reformalar toqtap qalmaitynyn naqty aittym. Óitkeni elimizdi jan-jaqty jańǵyrtý isi úzdiksiz jalǵasa berýge tiis. Aldymyzda aýqymdy jumys tur. Soǵan sai jańa bastamalar men josparlardy júzege asyramyz. Qazir onyń bári muqiiat zerdelenip jatyr. Kelesi jyly halyqqa usynatyn bolamyn. Keibir bastamany ádettegidei Ulttyq quryltaida jariialaimyn. Onyń kezekti otyrysy Býrabaida ótedi. Qalǵanyn Joldaýda aitamyn. Ádiletti Qazaqstandy qurý jolynda áli de kóp jumys isteý qajet. Ol úshin jalpyulttyq biregeiligimizdiń negizin udaiy nyǵaityp, memlekettik basqarýdyń tiimdiligin arttyryp, ekonomikany dáiekti túrde damytý kerek. Eldik maqsattarymyzdyń kókjiegin kóre bilý mańyzdy. Sonda ǵana aldymyzǵa qoiǵan strategiialyq mindetterdiń baǵytynan aýytqymaimyz. Bos áńgimeler men ónbes daýlardy qýmai, bolashaqqa senimmen qadam basýymyz kerek. Batyl bastamalarymyzdy birge júzege asyratynymyzǵa senimdimin", - dedi Prezident.
