Búgin Astanada Qazaqstannyń barlyq óńirlerinen kelgen 200-den astam aýyl áielderi kóshbasshylaryn, halyqaralyq jáne úkimettik emes uiymdardyń ókilderin jinaǵan 7-shi Respýblikalyq Aýyl áielderi Forýmy ótti. Is-shara barysynda aýyldyq aimaqtardyń turaqty damýy, áielder men aýyl kásipkerligi máseleleri talqylanyp, granttyq baiqaýdyń jeńimpazdary marapattaldy, – dep habarlaidy Dalanews.kz.
Is-sharaǵa QR Eńbek jáne halyqty áleýmettik qorǵaý vitse-ministri Asqar Biiahmetov pen QR Májilis depýtaty, Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiia múshesi Qaraqat Ábden qatysty.
Forýmda áielder kásipkerligin damytý, aýyldyq jerlerde «jasyl» tehnologiialardy engizý jáne qarjylyq qoldaý máseleleri siiaqty mańyzdy taqyryptar talqylandy.
– Memleket, biznes jáne qoǵamdyq uiymdardyń yntaly dialogynyń arqasynda búgingi kúni aýyldaǵy áielder bastamalaryn qoldaýǵa baǵyttalǵan kóptegen perspektivalyq jobalar iske asyrylýda. Bul áleýetti tiimdi paidalaný mańyzdy. Osy jerde Forýmnyń oń róli erekshe. Forým barysynda qalyptasqan ideialar men bastamalar qatysýshylardy jańa sheshimdermen baiytyp, aýyldaǵy birlesken jumystardyń túrli baǵyttaryn nyǵaitýǵa septigin tigizetinine senimdimin, – dep pikir bildirdi Qazaqstan aýyl áielderi Forýmynyń uiymdastyrý komitetiniń tóraǵasy, Qazaqstan Respýblikasynyń Parlamenti Májilisiniń IV, V, VI shaqyrylymdarynyń depýtaty Maira Aisina.
Aýyldaǵy áielder bastamalaryn qoldaý quraldarynyń arasynda Qazaqstanda 12 jyl boiy jumys istep kele jatqan jáne elimizdiń ártúrli óńirlerinen 110 000-nan astam áielderge biznes negizderin tegin oqytqan Belesteri nemese «Ósý satylary» atty áleýmettik joba erekshe atalady.
Bul joba arqyly bilim alǵan 7 500-den astam shaǵyn biznes qurylyp, elimizdiń barlyq óńirlerinde 10 000-nan astam jumys orny ashyldy. Sonymen qatar, aýyldaǵy kásipkerlik bastamalardy qoldaý maqsatynda «jasyl» tehnologiialardy qoldana otyryp, jeke qosalqy sharýashylyqtardy uiymdastyrýǵa arnalǵan oqytý kýrstary usynylýda, ol farmerschool platformasy arqyly júzege asyrylady.
– Belesteri jobasy Qazaqstan boiynsha áielderdiń ekonomikalyq áleýetin damytýǵa baǵyttalǵan, al Aýyl áielderi forýmy – máseleler men múmkindikterdi talqylaityn mańyzdy alań, – dep atap ótti «Áleýmettik dinamika» qoǵamdyq qorynyń direktory Elena Ojgo.
Olardyń biri – jastardy ónimdi eńbekke tartý. Osy maqsatta biyl alǵash ret jastar úshin jańa bilim berý baǵdarlamasy usynyldy https://ccb.kz/orken, sondai-aq jas jeńimpazdarǵa konkýrs aiasynda bastaýysh qarjylyq qoldaý retinde 10 grant bólindi.
Joba eń úzdik biznes-ideia boiynsha birdei atalǵan baiqaýdyń jeńimpazdaryna qarjylyq qoldaý kórsetedi. 2012 jyldan beri 150 áiel óz isin ashý úshin grant alǵan. Biyl https://ccb.kz jobasynda 30 grant qarastyrylǵan, al ótken jyldary bul kórsetkish 20 bolǵan. Forýmda alǵashqy 14 grant tabystaldy, qalǵan 16 grant ekinshi kezeńniń jeńimpazdaryna, baiqaý qańtar aiynda aiaqtalǵan soń beriledi.
Forým men jobanyń uiymdastyrýshylary – «Jasyl ekonomikana qoldaý jáne G-Global-dy damytý Koalitsiia» zańdy tulǵalar birlestigi jáne «Áleýmettik Dinamika» qoǵamdyq qory, Qazaqstan Respýblikasy Prezidentiniń janyndaǵy Ulttyq áielder men otbasylyq-demografiialyq saiasat komissiiasynyń qoldaýymen júzege asyrylýda.
Forýmǵa jáne «Ósý satylary» jobasyna qarjylyq qoldaýdy The Coca-Cola Foundation qaiyrymdylyq qory kórsetedi.
Forým jáne joba týraly qosymsha aqparattardy https://ccb.kz/forums siltemesi arqyly tanysa alasyz
