بۇگىن استانادا قازاقستاننىڭ بارلىق وڭىرلەرىنەن كەلگەن 200-دەن استام اۋىل ايەلدەرى كوشباسشىلارىن، حالىقارالىق جانە ۇكىمەتتىك ەمەس ۇيىمداردىڭ وكىلدەرىن جيناعان 7ء-شى رەسپۋبليكالىق اۋىل ايەلدەرى فورۋمى ءوتتى. ءىس-شارا بارىسىندا اۋىلدىق ايماقتاردىڭ تۇراقتى دامۋى، ايەلدەر مەن اۋىل كاسىپكەرلىگى ماسەلەلەرى تالقىلانىپ، گرانتتىق بايقاۋدىڭ جەڭىمپازدارى ماراپاتتالدى، – دەپ حابارلايدى Dalanews.kz.
ءىس-شاراعا ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى اسقار بياحمەتوۆ پەن ق ر ءماجىلىس دەپۋتاتى، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى قاراقات ابدەن قاتىستى.
فورۋمدا ايەلدەر كاسىپكەرلىگىن دامىتۋ، اۋىلدىق جەرلەردە «جاسىل» تەحنولوگيالاردى ەنگىزۋ جانە قارجىلىق قولداۋ ماسەلەلەرى سياقتى ماڭىزدى تاقىرىپتار تالقىلاندى.
– مەملەكەت، بيزنەس جانە قوعامدىق ۇيىمداردىڭ ىنتالى ديالوگىنىڭ ارقاسىندا بۇگىنگى كۇنى اۋىلداعى ايەلدەر باستامالارىن قولداۋعا باعىتتالعان كوپتەگەن پەرسپەكتيۆالىق جوبالار ىسكە اسىرىلۋدا. بۇل الەۋەتتى ءتيىمدى پايدالانۋ ماڭىزدى. وسى جەردە فورۋمنىڭ وڭ ءرولى ەرەكشە. فورۋم بارىسىندا قالىپتاسقان يدەيالار مەن باستامالار قاتىسۋشىلاردى جاڭا شەشىمدەرمەن بايىتىپ، اۋىلداعى بىرلەسكەن جۇمىستاردىڭ ءتۇرلى باعىتتارىن نىعايتۋعا سەپتىگىن تيگىزەتىنىنە سەنىمدىمىن، – دەپ پىكىر ءبىلدىردى قازاقستان اۋىل ايەلدەرى فورۋمىنىڭ ۇيىمداستىرۋ كوميتەتىنىڭ ءتوراعاسى، قازاقستان رەسپۋبليكاسىنىڭ پارلامەنتى ءماجىلىسىنىڭ IV، V، VI شاقىرىلىمدارىنىڭ دەپۋتاتى مايرا ايسينا.
اۋىلداعى ايەلدەر باستامالارىن قولداۋ قۇرالدارىنىڭ اراسىندا قازاقستاندا 12 جىل بويى جۇمىس ىستەپ كەلە جاتقان جانە ەلىمىزدىڭ ءارتۇرلى وڭىرلەرىنەن 110 000-نان استام ايەلدەرگە بيزنەس نەگىزدەرىن تەگىن وقىتقان Belesteri نەمەسە «ءوسۋ ساتىلارى» اتتى الەۋمەتتىك جوبا ەرەكشە اتالادى.
بۇل جوبا ارقىلى ءبىلىم العان 7 500-دەن استام شاعىن بيزنەس قۇرىلىپ، ەلىمىزدىڭ بارلىق وڭىرلەرىندە 10 000-نان استام جۇمىس ورنى اشىلدى. سونىمەن قاتار، اۋىلداعى كاسىپكەرلىك باستامالاردى قولداۋ ماقساتىندا «جاسىل» تەحنولوگيالاردى قولدانا وتىرىپ، جەكە قوسالقى شارۋاشىلىقتاردى ۇيىمداستىرۋعا ارنالعان وقىتۋ كۋرستارى ۇسىنىلۋدا، ول farmerschool پلاتفورماسى ارقىلى جۇزەگە اسىرىلادى.
– Belesteri جوباسى قازاقستان بويىنشا ايەلدەردىڭ ەكونوميكالىق الەۋەتىن دامىتۋعا باعىتتالعان، ال اۋىل ايەلدەرى فورۋمى – ماسەلەلەر مەن مۇمكىندىكتەردى تالقىلايتىن ماڭىزدى الاڭ، – دەپ اتاپ ءوتتى «الەۋمەتتىك ديناميكا» قوعامدىق قورىنىڭ ديرەكتورى ەلەنا وجگو.
ولاردىڭ ءبىرى – جاستاردى ءونىمدى ەڭبەككە تارتۋ. وسى ماقساتتا بيىل العاش رەت جاستار ءۇشىن جاڭا ءبىلىم بەرۋ باعدارلاماسى ۇسىنىلدى https://ccb.kz/orken، سونداي-اق جاس جەڭىمپازدارعا كونكۋرس اياسىندا باستاۋىش قارجىلىق قولداۋ رەتىندە 10 گرانت ءبولىندى.
جوبا ەڭ ۇزدىك بيزنەس-يدەيا بويىنشا بىردەي اتالعان بايقاۋدىڭ جەڭىمپازدارىنا قارجىلىق قولداۋ كورسەتەدى. 2012 جىلدان بەرى 150 ايەل ءوز ءىسىن اشۋ ءۇشىن گرانت العان. بيىل https://ccb.kz جوباسىندا 30 گرانت قاراستىرىلعان، ال وتكەن جىلدارى بۇل كورسەتكىش 20 بولعان. فورۋمدا العاشقى 14 گرانت تابىستالدى، قالعان 16 گرانت ەكىنشى كەزەڭنىڭ جەڭىمپازدارىنا، بايقاۋ قاڭتار ايىندا اياقتالعان سوڭ بەرىلەدى.
فورۋم گرانتتىق بايقاۋدىڭ جەڭىمپازدارىنىڭ ونىمدەرىنىڭ كورمەسىمەن قاتار ءوتتى. قاتىسۋشىلاردىڭ اراسىندا مال شارۋاشىلىعى ونىمدەرى، ۇلتتىق داستۇرلەردە جاسالعان كيىمدەر مەن تەكستيل كەڭىنەن ۇسىنىلدى. مىسالى، تىگىن وندىرىستەرى قۇراق كورپە سەكىلدى كلاسسيكالىق بۇيىمداردان بولەك، ۇلتتىق ويۋ-ورنەكپەن بەزەندىرىلگەن زىعىر ماتادان جاسالعان كيىمدەر، كوشپەلىلەردىڭ ەتنو ۇلگىلەرى بويىنشا پاستيلا، ىرىمشىكتەن چيزكەيك تورتتارىن دايىنداۋ، بالالار مەن ەرەسەكتەرگە ۇلتتىق ناقاشتا قىش بۇيىمدارىن جاساۋ بويىنشا كۋرستار ۇسىنىلدى.
فورۋم مەن جوبانىڭ ۇيىمداستىرۋشىلارى – «جاسىل ەكونوميكانا قولداۋ جانە G-Global-دى دامىتۋ كواليسيا» زاڭدى تۇلعالار بىرلەستىگى جانە «الەۋمەتتىك ديناميكا» قوعامدىق قورى، قازاقستان رەسپۋبليكاسى پرەزيدەنتىنىڭ جانىنداعى ۇلتتىق ايەلدەر مەن وتباسىلىق-دەموگرافيالىق ساياسات كوميسسياسىنىڭ قولداۋىمەن جۇزەگە اسىرىلۋدا.
فورۋمعا جانە «ءوسۋ ساتىلارى» جوباسىنا قارجىلىق قولداۋدى The Coca-Cola Foundation قايىرىمدىلىق قورى كورسەتەدى.
فورۋم جانە جوبا تۋرالى قوسىمشا اقپاراتتاردى https://ccb.kz/forums سىلتەمەسى ارقىلى تانىسا الاسىز
