"Bizdiń mindetimiz – aimaqtaǵy eń úzdik, úlgi alarlyq tsifrlyq ortalyq bank qurý, bul – ońai emes ekeni de anyq. Biz Ulttyq tsifrlyq qarjylyq infraqurylymdy odan ári damytý baǵytynda jumys isteimiz. Onyń ishinde Tsifrlyq teńge platformasy, Open API & Open Banking platformasy men ulttyq tólem júieleri siiaqty jobalar bar", dep habarlaidy Dalanews.kz.
Bul týraly QR Ulttyq bank tóraǵasy Tmýr Súleimenov búgin, ulttyq valiýta kúni men qarjygerlerdiń kásibi merekesine orailastyryp ótkizgen Qarjygerler kongresinde sóilegen sózinde aitty.
"Qazir Qazaqstannyń qarjy naryǵy Ortalyq Aziiada kósh bastap tur. Bizdiń mindetimiz – óńirdegi kóshbasshy pozitsiiasyn saqtaý. Osy maqsatta biz QNRDA-men jáne naryq qatysýshylarymen birlese otyryp, aldaǵy 5 jylǵa arnalǵan qarjylyq retteýshilerdi tsifrlandyrý strategiiasyn ázirlep jatyrmyz. Biz naryqtyń damý jolyn tejegimiz kelmeidi, salanyń ózi men oǵan qatysýshylar qalai damyp kele jatqanyn kórip otyrmyz. Sondyqtan bizdiń tehnologiialyq múmkindikterimizdiń qarqyndy túrde ósýi búkil salanyń tsifrlyq damýyna jańa serpin beredi dep oilaimyz. Bizdiń mindetimiz – aimaqtaǵy eń úzdik, úlgi alarlyq tsifrlyq ortalyq bank qurý, bul – ońai emes ekeni de anyq", - dedi ol.
Onyń aitýynsha, bankaralyq infraqurylymnyń barlyǵyna teń múmkindik berý – innovatsiialardyń, básekelestiktiń qozǵaýshy kúshi, túrli bank ónimderin damytýdyń negizi bolady. Osy bastamalardyń mańyzyn eskere otyryp, bankter týraly jańa zańda Ulttyq tsifrlyq qarjylyq infraqurylymnyń mártebesin bekitýdi, naryqqa qatysýshylardyń barlyǵy onyń servisine mindetti túrde qosylýyn qamtamasyz etýdi josparlap otyrmyz. Bul básekelstikke, beitaraptyqqa, adamǵa baǵdarlanýǵa jol ashady.
"Bizdiń strategiiamyzdyń taǵy bir mańyzdy aspektisi — data-driven tásilin damytý. Biz derekter jetkiliksiz degendi jii estimiz, olar túsiniksiz, memlekettik organdardyń qolynda, al naryq olardy qajetti kólemde jáne formada ala almaidy. Sondyqtan biz derekter fabrikasyn iske qosýdy josparlap otyrmyz. Ol Ulttyq banktiń ekojúiesindegi derekterdi jasandy intellektti paidalaný arqyly integratsiialaidy. Búgingi tańda biz beta-testileý júrgizip jatyrmyz", dep naqtylady Ulttyq bank basshysy.
Sondai-aq Timýr Súleimenov tsifrlyq aqsha bolashaǵyna toqtaldy.
"Sonymen qatar, jańa altyn tsifrlyq monetany tanystyramyz. Ony AIX birjasynyń Tabys qosymshasy arqyly tsifrlyq formatta satyp alýǵa, satýǵa jáne syiǵa tartýǵa, sondai-aq ekskliýzivti UKI dizainyndaǵy zattai investitsiialyq monetaǵa aiyrbastaýǵa bolady. Alǵashqy monetalar 2025 jyldyń basynda satylymǵa shyǵady. Bir jaǵynan, biz tokenizatsiia trendterin qadaǵalap otyrmyz, al ekinshi jaǵynan, elimizdiń barlyq infraqurylymyn, onyń ishinde negizgi birja – KASE men jańa quraldardy damytý turǵysynan basa mán berilip otyrǵan AIX-ti belsendi paidalanyp otyrǵanymyzdy kórsetemiz", - dedi ol.
Buǵan deiin QR Ulttyq banki ulttyq valiýta – teńge kúniniń qurmetine orai 2025 jyldyń I toqsanynda jańa "Tsifrlyq investitsiialyq moneta" jobasyn iske qosý josparymen bólisken.
