"ءبىزدىڭ مىندەتىمىز – ايماقتاعى ەڭ ۇزدىك، ۇلگى الارلىق سيفرلىق ورتالىق بانك قۇرۋ، بۇل – وڭاي ەمەس ەكەنى دە انىق. ءبىز ۇلتتىق سيفرلىق قارجىلىق ينفراقۇرىلىمدى ودان ءارى دامىتۋ باعىتىندا جۇمىس ىستەيمىز. ونىڭ ىشىندە سيفرلىق تەڭگە پلاتفورماسى، Open API & Open Banking پلاتفورماسى مەن ۇلتتىق تولەم جۇيەلەرى سياقتى جوبالار بار"، دەپ حابارلايدى Dalanews.kz.
بۇل تۋرالى ق ر ۇلتتىق بانك ءتوراعاسى تمۋر سۇلەيمەنوۆ بۇگىن، ۇلتتىق ۆاليۋتا كۇنى مەن قارجىگەرلەردىڭ كاسىبي مەرەكەسىنە ورايلاستىرىپ وتكىزگەن قارجىگەرلەر كونگرەسىندە سويلەگەن سوزىندە ايتتى.
"ءقازىر قازاقستاننىڭ قارجى نارىعى ورتالىق ازيادا كوش باستاپ تۇر. ءبىزدىڭ مىندەتىمىز – وڭىردەگى كوشباسشى پوزيسياسىن ساقتاۋ. وسى ماقساتتا ءبىز قنردا-مەن جانە نارىق قاتىسۋشىلارىمەن بىرلەسە وتىرىپ، الداعى 5 جىلعا ارنالعان قارجىلىق رەتتەۋشىلەردى سيفرلاندىرۋ ستراتەگياسىن ازىرلەپ جاتىرمىز. ءبىز نارىقتىڭ دامۋ جولىن تەجەگىمىز كەلمەيدى، سالانىڭ ءوزى مەن وعان قاتىسۋشىلار قالاي دامىپ كەلە جاتقانىن كورىپ وتىرمىز. سوندىقتان ءبىزدىڭ تەحنولوگيالىق مۇمكىندىكتەرىمىزدىڭ قارقىندى تۇردە ءوسۋى بۇكىل سالانىڭ سيفرلىق دامۋىنا جاڭا سەرپىن بەرەدى دەپ ويلايمىز. ءبىزدىڭ مىندەتىمىز – ايماقتاعى ەڭ ۇزدىك، ۇلگى الارلىق سيفرلىق ورتالىق بانك قۇرۋ، بۇل – وڭاي ەمەس ەكەنى دە انىق"، - دەدى ول.
ونىڭ ايتۋىنشا، بانكارالىق ينفراقۇرىلىمنىڭ بارلىعىنا تەڭ مۇمكىندىك بەرۋ – يننوۆاسيالاردىڭ، باسەكەلەستىكتىڭ قوزعاۋشى كۇشى، ءتۇرلى بانك ونىمدەرىن دامىتۋدىڭ نەگىزى بولادى. وسى باستامالاردىڭ ماڭىزىن ەسكەرە وتىرىپ، بانكتەر تۋرالى جاڭا زاڭدا ۇلتتىق سيفرلىق قارجىلىق ينفراقۇرىلىمنىڭ مارتەبەسىن بەكىتۋدى، نارىققا قاتىسۋشىلاردىڭ بارلىعى ونىڭ سەرۆيسىنە مىندەتتى تۇردە قوسىلۋىن قامتاماسىز ەتۋدى جوسپارلاپ وتىرمىز. بۇل باسەكەلستىككە، بەيتاراپتىققا، ادامعا باعدارلانۋعا جول اشادى.
"ءبىزدىڭ ستراتەگيامىزدىڭ تاعى ءبىر ماڭىزدى اسپەكتىسى — data-driven ءتاسىلىن دامىتۋ. ءبىز دەرەكتەر جەتكىلىكسىز دەگەندى ءجيى ەستيمىز، ولار تۇسىنىكسىز، مەملەكەتتىك ورگانداردىڭ قولىندا، ال نارىق ولاردى قاجەتتى كولەمدە جانە فورمادا الا المايدى. سوندىقتان ءبىز دەرەكتەر فابريكاسىن ىسكە قوسۋدى جوسپارلاپ وتىرمىز. ول ۇلتتىق بانكتىڭ ەكوجۇيەسىندەگى دەرەكتەردى جاساندى ينتەللەكتتى پايدالانۋ ارقىلى ينتەگراسيالايدى. بۇگىنگى تاڭدا ءبىز بەتا-تەستىلەۋ جۇرگىزىپ جاتىرمىز"، دەپ ناقتىلادى ۇلتتىق بانك باسشىسى.
سونداي-اق تيمۋر سۇلەيمەنوۆ سيفرلىق اقشا بولاشاعىنا توقتالدى.
"سونىمەن قاتار، جاڭا التىن سيفرلىق مونەتانى تانىستىرامىز. ونى AIX بيرجاسىنىڭ Tabys قوسىمشاسى ارقىلى سيفرلىق فورماتتا ساتىپ الۋعا، ساتۋعا جانە سىيعا تارتۋعا، سونداي-اق ەكسكليۋزيۆتى UKI ديزاينىنداعى زاتتاي ينۆەستيسيالىق مونەتاعا ايىرباستاۋعا بولادى. العاشقى مونەتالار 2025 جىلدىڭ باسىندا ساتىلىمعا شىعادى. ءبىر جاعىنان، ءبىز توكەنيزاسيا ترەندتەرىن قاداعالاپ وتىرمىز، ال ەكىنشى جاعىنان، ەلىمىزدىڭ بارلىق ينفراقۇرىلىمىن، ونىڭ ىشىندە نەگىزگى بيرجا – KASE مەن جاڭا قۇرالداردى دامىتۋ تۇرعىسىنان باسا ءمان بەرىلىپ وتىرعان AIXء-تى بەلسەندى پايدالانىپ وتىرعانىمىزدى كورسەتەمىز"، - دەدى ول.
بۇعان دەيىن ق ر ۇلتتىق بانكى ۇلتتىق ۆاليۋتا – تەڭگە كۇنىنىڭ قۇرمەتىنە وراي 2025 جىلدىڭ I توقسانىندا جاڭا "سيفرلىق ينۆەستيسيالىق مونەتا" جوباسىن ىسكە قوسۋ جوسپارىمەن بولىسكەن.
