Memleket basshysynyń bastamasymen júzege asyrylyp jatqan «Taza Qazaqstan» respýblikalyq ekologiialyq aktsiiasy Syr óńirinde qarqyndy túrde jalǵasýda.
Aktsiia aiasynda saiabaqtar, skverler men alleialar aýmaqtaryn abattandyrý, qoqystardan tazartý, aǵash otyrǵyzý syndy jumystar belsendi júrgizildi.
Qyzylorda oblysy ákimdiginiń «Úlgili eldi meken» konkýrsy
Memleket basshysynyń «Aýyldyq aýmaqtardy damytý týraly» tapsyrmasyna sáikes, oblystaǵy eldi mekender arasynda tazalyqqa, kórkeitý kógaldandyrýǵa, abattandyrýǵa baǵyttalǵan «Úlgili eldi meken» oblystyq konkýrsy dástúrli túrde jyl saiyn ótkizilýde.
Baiqaý týǵan ólkeni jasyl-jelekke ainaldyryp, tabiǵatty aialaýǵa jáne ekologiianyń jaqsarýyna óz úlesin qosatyn áleýmettik mańyzy bar erekshe joba.
2023 jyly konkýrs 2 márte kóktem jáne kúz ailarynda ótkizilip, oblystyq biýdjetten 1 mlrd teńgege jýyq qarjy bólindi.
Aýyldyq aimaqtarǵa qajetti arnaiy tehnikalar qaldyq tasymaldaýshy kóligi, jol tazalaǵysh, jer qazýshy, tiegish traktorlar, assenizator mashinasy, júk tasymaldaýshy kóligi sekildi 29 tehnika jeńimpaz eldi mekenderge tabystaldy.
Alǵash ret ótkizilgen kóktemgi konkýrsqa 7 aýdan ortalyǵy, 24 aýyl qatysyp, «Úlgili aýdan ortalyǵy» nominatsiiasy boiynsha 3 aýdan ortalyǵyna jáne «Úlgili aýyl» nominatsiiasy boiynsha 3 aýylǵa arnaiy kommýnaldyq tehnikalar tabystaldy.
Kúzgi konkýrsta da osyndai talaptarǵa sai jeńimpazdar anyqtaldy.
Biylǵy jyly da konkýrs jalǵasyn taýyp, oblystyq biýdjetten
436 mln teńge bólindi. Oǵan 19 tehnika satyp alynyp, konkýrs jeńimpazdaryna tabystalatyn bolady. Qazirgi tańda konkýrsqa qatysýshy eldi mekenderdiń qujattary jinaqtalýda.
Konkýrs «Úlgili aýdan», «Úlgili aýyl» jáne «Úlgili eldi meken» nominatsiialary boiynsha ótkiziledi. «Úlgili eldi meken» nominatsiiasy boiynsha ár aýdannan 1 jeńimpaz eldi meken anyqtalady jáne olarǵa abattandyrý jobalaryn qarjylandyrýǵa oblystyq biýdjetten 15 mln teńgeden beriledi. «Úlgili aýdan» nominatsiiasyna aýdandardaǵy kentter men qalalar, «Úlgili aýyl» nominatsiiasyna tirek jáne seriktes eldi mekender, «Úlgili eldi meken» nominatsiiasyna tirek jáne seriktes eldi mekenderden basqa, eldi mekender qatysady.
Qyzylorda qalasy ákimdiginiń «Úzdik aýla» konkýrsy
Qyzylorda qalasynda «Úzdik aýla» nominatsiiasy boiynsha jyl saiyn dástúrli túrde konkýrs uiymdastyrylyp keledi.
Ótken jyly qala ákimdiginiń uiymdastyrýymen ótken konkýrs nátijesimen Qyzylorda qalasy, Abdrahmanov kóshesindegi №19 kópqabatty úidiń aýlasy «Úzdik aýla» nominatsiiasynyń jeńimpazy atandy.
Kópqabatty úidiń atalmysh nominatsiianyń jeńimpazy atanýyna osy úidiń turǵyny, zeinetker Berdiqoja Kenjebaevtyń úlesi zor. Ol óz kúshimen kópqabatty turǵyn úidiń aýlasyna sońǵy jyldary 100-ge jýyq aǵash otyrǵyzyp, aýlanyń jasyl jelekke ainalýyna septigin tigizdi.
Qyzylorda qalasyndaǵy qoqys óńdeý poligony.
Qyzylorda qalasy aýmaǵyndaǵy qoqys poligonyna Koreia Respýblikasynan investor tartylyp, qoqysty qaita óńdeý zaýytyn salý josparlanýda.
Búgingi tańda ońtústik koreialyq investormen Qyzylorda oblysy ákimdigi tarapynan memorandýmǵa qol qoiylyp, tiisti qujattar ázirlenýde.
Zaýytqa 8 mlrd teńge shamasynda qarjy salynyp, jylyna 300 myń tonna qaldyq suryptalyp, qaita óńdeletin bolady.
Nysan 2025 jyldyń II toqsanyna paidalanýǵa beriledi dep kútilýde.
«Qyzylorda tazalyǵy» mekemesi
Búginde Qyzylorda qalasynyń tazalyǵy men abattandyrylýyna jaýapty «Qyzylorda tazalyǵy» mekemesi eki aýysymmen jumys atqarýda. Tazalyq jumystaryna bir mezette 75 arnaiy tehnika men 200-den astam jumysshy shyǵarylady.
Sońǵy 2 jylda mekemeniń materialdyq-tehnikalyq bazasyn jańǵyrtý maqsatynda 2 mlrd 153 mln teńge bólinip, oǵan qajetti tehnikalar alyndy.
Aita ketý kerek, kommýnaldyq salanyń jumysshylaryna qoldý bildirý maqsatynda olarǵa qoǵamdyq kólikterde tegin júrý qarastyrylǵan jáne jylyna bir ret shipajailarǵa tegin joldama beriledi.
Budan bólek, qalany kógaldandyrý jumystaryna qatysty biylǵy jyldyń basynda qalada arnaiy «Jasyl Qyzylorda» kommýnaldyq memlekettik mekemesi qurylyp, qaladaǵy ortalyq kósheler, skver, alleialardy kórkeitý men qalanyń kógaldandyrý jumystaryn júrgizýde.
«Jasyl el» eńbek jasaqtary
Búgin óńirde respýblikalyq «Taza Qazaqstan» jalpyulttyq ekologiialyq aktsiiasy aiasynda «Jasyl el» jastar eńbek jasaqtarynyń kezekti eńbek maýsymynyń ashylý saltanaty ótti.
Sharaǵa eńbekshi jastarmen qatar, volonterler, qala turǵyndary qatysty.
«Jasyl el» qozǵalysy jastardy eńbekke baýlyp qana qoimai, ortaq ideialar tóńireginde toptastyrýda. Jastardy irikteý kezinde halyqtyń áleýmettik osal toptarynan shyqqan balalarǵa ózderin kórsetýge, demalys kezeńinde qosymsha tabys tabýyna nazar aýdarylyp keledi.
«Jasyl el» jobasy aiasynda biyl 1871 jas maýsymdyq jumyspen, ornalastyrý, qajetti ekipirovkamen, belgilengen mólsherde eńbekaqymen qamtamasyz etiledi.
Qozǵalys múshelerimen oblys kóleminde ornalasqan mádeni-demalys oryndarynda, alleia, skver, alańdar men parkterderde kógaldandyrý, aýmaqtardy qoqystan tazalaý sharalary atqarylady.
Búgingi sharada 100-ge jýyq eńbekshi jastar Qyzylorda qalasyndaǵy «B.Shókenov saiabaǵynda» tazalaý, syrlaý, ákteý jumystaryn júrgizip, respýblikalyq «Taza Qazaqstan» jalpyulttyq ekologiialyq aktsiiasyna óz úlesterin qosty.
Aita ketý kerek, Memleket basshysynyń bastamasymen júzege asyrylǵan ekologiialyq aktsiiaǵa barlyǵy 191 myńnan asa eriktiler, qoǵam qairatkerleri, biýdjet salasy men kásiporyn qyzmetkerleri qatysty.
Nátijesimen, 8 myń tonnadan (8426) astam qoqys qaldyqtary shyǵarylyp, eldi mekenderdegi 505 skverler men parkter, 225 tarihi mádeni eskertkishter, 791 áleýmettik nysandar, 1130 ónerkásip jáne biznes nysandary, 289 sý obektileri, 24 445 aýlalar men kóshelerdiń boiy tazartylyp, 900-ge jýyq tehnika jumyldyrylyp, 129 myńnan asa (129 358) óńirdiń klimatyna sáikes jersinetin qaraǵash, terek jáne syrtalynyń kóshetteri egildi.
