Qytaidyń tanymal avtokólik óndirýshisi BYD óz tarihyndaǵy eń aýqymdy servistik jóndeý naýqanyn jariialady. Kompaniia 2015–2022 jyldary shyǵarylǵan Tang jáne Yuan Pro seriiasyndaǵy 115 myńnan astam elektromobildi qyzmettik tekseriske qaita qabyldaidy. Bul týraly Qytaidyń naryqty retteý jónindegi memlekettik basqarmasy málimdedi, dep habarlaidy Dalanews.kz.
2015–2017 jyldary shyǵarylǵan BYD Tang úlgilerinde elektrqozǵaltqyshty basqaratyn elektrondyq júieden aqaý tabylǵan. Kei jaǵdaida kontroller qýatty durys bosatpai, basqarý taqshasy qatty qyzyp, kólik elektr rejiminde qozǵala almai qalǵan.
Mundai táýekeldiń aldyn alý úshin kompaniia baǵdarlamalyq jasaqtamany jańartady. Endi júie akkýmýliator qýatyn týra qozǵaltqysh arqyly bosatatyn bolady, bul áldeqaida qaýipsiz tásil sanalady.
2021–2022 jyldary shyǵarylǵan Yuan Pro úlgilerinde de aqaý tirkelgen. Kei kólikterdiń batareia blogyndaǵy tyǵyzdaǵysh durys ornatylmaǵan. Sonyń saldarynan kólik joǵary jyldamdyqpen sý arqyly júrgen kezde batareia ishine ylǵal ótip ketýi múmkin. Bul qýattyń tómendeýine jáne elektr júiesiniń isten shyǵýyna ákeledi.
Máseleni sheshý úshin óndirýshi barlyq osyndai kólikterdiń batareia qaptamasyn arnaiy germetikpen nyǵaityp, sý ótkizbeitin qorǵanysyn kúsheitpek.
Buǵan deiin BYD órtený qaýpine bailanysty Fangchengbao Bao 5 gibridti jol talǵamaityn kóliginiń 6843 danasyn, sondai-aq rýl júiesindegi aqaýǵa bailanysty Dolphin jáne Yuan Plus úlgileriniń 97 myńǵa jýyq danasyn servistik jóndeýge qaitarǵan bolatyn.
