قىتايدىڭ تانىمال اۆتوكٶلٸك ٶندٸرۋشٸسٸ BYD ٶز تاريحىنداعى ەڭ اۋقىمدى سەرۆيستٸك جٶندەۋ ناۋقانىن جارييالادى. كومپانييا 2015–2022 جىلدارى شىعارىلعان Tang جەنە Yuan Pro سەريياسىنداعى 115 مىڭنان استام ەلەكتروموبيلدٸ قىزمەتتٸك تەكسەرٸسكە قايتا قابىلدايدى. بۇل تۋرالى قىتايدىڭ نارىقتى رەتتەۋ جٶنٸندەگٸ مەملەكەتتٸك باسقارماسى مەلٸمدەدٸ, دەپ حابارلايدى Dalanews.kz.
2015–2017 جىلدارى شىعارىلعان BYD Tang ٷلگٸلەرٸندە ەلەكترقوزعالتقىشتى باسقاراتىن ەلەكتروندىق جٷيەدەن اقاۋ تابىلعان. كەي جاعدايدا كونتروللەر قۋاتتى دۇرىس بوساتپاي, باسقارۋ تاقشاسى قاتتى قىزىپ, كٶلٸك ەلەكتر رەجيمٸندە قوزعالا الماي قالعان.
مۇنداي تەۋەكەلدٸڭ الدىن الۋ ٷشٸن كومپانييا باعدارلامالىق جاساقتامانى جاڭارتادى. ەندٸ جٷيە اككۋمۋلياتور قۋاتىن تۋرا قوزعالتقىش ارقىلى بوساتاتىن بولادى, بۇل ەلدەقايدا قاۋٸپسٸز تەسٸل سانالادى.
2021–2022 جىلدارى شىعارىلعان Yuan Pro ٷلگٸلەرٸندە دە اقاۋ تٸركەلگەن. كەي كٶلٸكتەردٸڭ باتارەيا بلوگىنداعى تىعىزداعىش دۇرىس ورناتىلماعان. سونىڭ سالدارىنان كٶلٸك جوعارى جىلدامدىقپەن سۋ ارقىلى جٷرگەن كەزدە باتارەيا ٸشٸنە ىلعال ٶتٸپ كەتۋٸ مٷمكٸن. بۇل قۋاتتىڭ تٶمەندەۋٸنە جەنە ەلەكتر جٷيەسٸنٸڭ ٸستەن شىعۋىنا ەكەلەدٸ.
مەسەلەنٸ شەشۋ ٷشٸن ٶندٸرۋشٸ بارلىق وسىنداي كٶلٸكتەردٸڭ باتارەيا قاپتاماسىن ارنايى گەرمەتيكپەن نىعايتىپ, سۋ ٶتكٸزبەيتٸن قورعانىسىن كٷشەيتپەك.
بۇعان دەيٸن BYD ٶرتەنۋ قاۋپٸنە بايلانىستى Fangchengbao Bao 5 گيبريدتٸ جول تالعامايتىن كٶلٸگٸنٸڭ 6843 داناسىن, سونداي-اق رۋل جٷيەسٸندەگٸ اقاۋعا بايلانىستى Dolphin جەنە Yuan Plus ٷلگٸلەرٸنٸڭ 97 مىڭعا جۋىق داناسىن سەرۆيستٸك جٶندەۋگە قايتارعان بولاتىن.
