Astanada politsiia qyzmetkerleri "jeńildetilgen ipoteka alyp beremin" degen syltaýmen jurtty aldaǵan alaiaqtyqtyń qylmysyn áshkereledi, dep habarlaidy Dalanews.kz.
Qalalyq Politsiia departamentiniń málimetinshe, elorda turǵyny politsiiaǵa aryz túsirip, ózin aldap ketken áiel jaily habarlaǵan. Aitýynsha, tanysy memlekettik jeńildetilgen turǵyn úi baǵdarlamasy arqyly nesie rásimdeýge kómektesemin dep sendirgen.
Jábirlenýshi barlyq qajetti qujat pen ótinimdi daiyndap bergen. Alaida alaiaq sol qujattardy óz paidasyna paidalanyp, «bailanystarym bar, maquldaýdy tezdetip alyp beremin» degen jeleýmen 2 million teńge suraǵan. Aqshany alǵan soń ol bailanysqa shyqpai qoiǵan.
Politsiia kúdiktini ustady. Qazir ol alaiaqtyq baby boiynsha jaýapkershilikke tartylýda.
Quqyq qorǵaý organdary turǵyndarǵa eskertý jasady.
"Jeńildetilgen baǵdarlama» nemese «nesieni tez rásimdeý» syndy ýádelerge senbeńizder. Barlyq memlekettik turǵyn úi jáne nesie baǵdarlamalary tek resmi tártippen, deldalsyz júzege asyrylady", - dedi olar.
