Jambyl oblysynyń Baizaq aýdanyna qarasty Sarykemer aýylynda jańa avtobýstar paidalanýǵa berildi. Jergilikti turǵyndar bul jańalyqty erekshe qýanyshpen qarsy aldy, dep habarlaidy Dalanews.kz.
Jańa avtobýstardyń iske qosylýy qurmetine aýyl apalary dástúrge sai shashý shashyp, aqjarma tilekterin bildirdi. Ájeilerdiń biri avtobýsqa mingen boida aldymen júrgizýshige, keiin jolaýshylarǵa tátilerin shashyp, kóterińki kóńil kúi syilady.
Kýágerlerdiń aitýynsha, jolaýshylar bul sátti jyly qabyldap, qoshemet kórsetken. Al apalar jańa kólikterdiń el igiligine uzaq qyzmet etýin tiledi.
Oqiǵanyń videosy áleýmettik jelide tarap, kópshiliktiń kóńilin kóterdi. Belgili bolǵandai, beinerolikti Jańaózennen Sarykemerge ápkesine qonaqqa kelgen áiel túsirgen. Al shashý shashqan apa – dál sol áieldiń ápkesi bolyp shyqqan.
Pikir qaldyrǵan jeli qoldanýshylary aýyldyqtardyń qarapaiym qýanyshyn úlgi etip, jyly lebizderin bildirip jatyr.
