جامبىل وبلىسىنىڭ بايزاق اۋدانىنا قاراستى سارىكەمەر اۋىلىندا جاڭا اۆتوبۋستار پايدالانۋعا بەرىلدى. جەرگىلىكتى تۇرعىندار بۇل جاڭالىقتى ەرەكشە قۋانىشپەن قارسى الدى، دەپ حابارلايدى Dalanews.kz.
جاڭا اۆتوبۋستاردىڭ ىسكە قوسىلۋى قۇرمەتىنە اۋىل اپالارى داستۇرگە ساي شاشۋ شاشىپ، اقجارما تىلەكتەرىن ءبىلدىردى. اجەيلەردىڭ ءبىرى اۆتوبۋسقا مىنگەن بويدا الدىمەن جۇرگىزۋشىگە، كەيىن جولاۋشىلارعا تاتىلەرىن شاشىپ، كوتەرىڭكى كوڭىل كۇي سىيلادى.
كۋاگەرلەردىڭ ايتۋىنشا، جولاۋشىلار بۇل ءساتتى جىلى قابىلداپ، قوشەمەت كورسەتكەن. ال اپالار جاڭا كولىكتەردىڭ ەل يگىلىگىنە ۇزاق قىزمەت ەتۋىن تىلەدى.
وقيعانىڭ ۆيدەوسى الەۋمەتتىك جەلىدە تاراپ، كوپشىلىكتىڭ كوڭىلىن كوتەردى. بەلگىلى بولعانداي، بەينەروليكتى جاڭاوزەننەن سارىكەمەرگە اپكەسىنە قوناققا كەلگەن ايەل تۇسىرگەن. ال شاشۋ شاشقان اپا – ءدال سول ايەلدىڭ اپكەسى بولىپ شىققان.
پىكىر قالدىرعان جەلى قولدانۋشىلارى اۋىلدىقتاردىڭ قاراپايىم قۋانىشىن ۇلگى ەتىپ، جىلى لەبىزدەرىن ءبىلدىرىپ جاتىر.
