Qazaqstanda munaı jetkizýge qatysty erejeler ózgertiledi. Energetıka mınıstri osyndaı jobany «Ashyq NQA» saıtyna jarıalady.

Qujatqa sáıkes, 2018 jyly jasalǵan munaı jetkizý kestesin jasaıtyn erejelerge birshama ózgeris kerek. Atap aıtqanda, kesteni jer qoınaýyn paıdalanýshylardyń ótinimderi (eger bolsa), munaı óńdeý josparlary men qaıta óńdeý ónimderi, sondaı-aq munaı tasymaldaý uıymdarynyń tehnıkalyq múmkindikteri, jer qoınaýyn paıdalanýshylardyń jobalaý qujattarynda kózdelgen munaı óndirý kólemine qaraı ázirleý usynylyp otyr.

Kelesi bir bólimdegi ózgeris mynadaı: jer qoınaýyn paıdalanýshylar esepti aldyńǵy aıdyń besinshi kúnine deıin kómirsýtek salasyndaǵy ýákiletti organǵa jer qoınaýyn paıdalanýdy basqarýdyń biryńǵaı memlekettik júıesi arqyly munaı jetkizýge ótinim beredi. Eger ótinim bermese, organ kestege engizýge jatatyn munaı kólemin ózi aıqyndaıdy.

Buıryq jobasyna túsindirme jazbada «Jer qoınaýy jáne jer qoınaýyn paıdalaný týraly» kodekstiń 130-babynyń 1-tarmaǵyna sáıkes, ishki naryqtyń qajetin munaı ónimderimen qamtamasyz etý maqsatynda jer qoınaýyn paıdalanýshylar kestege sáıkes Qazaqstan aýmaǵynda qaıta óńdeý úshin, al munaı óńdeý zaýyty apatqa baılanysty toqtaǵan jaǵdaıda bolatyny kórsetilgen. Keste kómirsýtek salasyndaǵy ýákiletti organ bekitetin tártippen qalyptastyrylady.

Qujat 18 maýsymǵa deıin talqylanady.