قازاقستاندا مۇناي جەتكٸزۋگە قاتىستى ەرەجەلەر ٶزگەرتٸلەدٸ. ەنەرگەتيكا مينيسترٸ وسىنداي جوبانى «اشىق نقا» سايتىنا جارييالادى.
قۇجاتقا سەيكەس, 2018 جىلى جاسالعان مۇناي جەتكٸزۋ كەستەسٸن جاسايتىن ەرەجەلەرگە بٸرشاما ٶزگەرٸس كەرەك. اتاپ ايتقاندا, كەستەنٸ جەر قويناۋىن پايدالانۋشىلاردىڭ ٶتٸنٸمدەرٸ (ەگەر بولسا), مۇناي ٶڭدەۋ جوسپارلارى مەن قايتا ٶڭدەۋ ٶنٸمدەرٸ, سونداي-اق مۇناي تاسىمالداۋ ۇيىمدارىنىڭ تەحنيكالىق مٷمكٸندٸكتەرٸ, جەر قويناۋىن پايدالانۋشىلاردىڭ جوبالاۋ قۇجاتتارىندا كٶزدەلگەن مۇناي ٶندٸرۋ كٶلەمٸنە قاراي ەزٸرلەۋ ۇسىنىلىپ وتىر.
كەلەسٸ بٸر بٶلٸمدەگٸ ٶزگەرٸس مىناداي: جەر قويناۋىن پايدالانۋشىلار ەسەپتٸ الدىڭعى ايدىڭ بەسٸنشٸ كٷنٸنە دەيٸن كٶمٸرسۋتەك سالاسىنداعى ۋەكٸلەتتٸ ورگانعا جەر قويناۋىن پايدالانۋدى باسقارۋدىڭ بٸرىڭعاي مەملەكەتتٸك جٷيەسٸ ارقىلى مۇناي جەتكٸزۋگە ٶتٸنٸم بەرەدٸ. ەگەر ٶتٸنٸم بەرمەسە, ورگان كەستەگە ەنگٸزۋگە جاتاتىن مۇناي كٶلەمٸن ٶزٸ ايقىندايدى.
بۇيرىق جوباسىنا تٷسٸندٸرمە جازبادا «جەر قويناۋى جەنە جەر قويناۋىن پايدالانۋ تۋرالى» كودەكستٸڭ 130-بابىنىڭ 1-تارماعىنا سەيكەس, ٸشكٸ نارىقتىڭ قاجەتٸن مۇناي ٶنٸمدەرٸمەن قامتاماسىز ەتۋ ماقساتىندا جەر قويناۋىن پايدالانۋشىلار كەستەگە سەيكەس قازاقستان اۋماعىندا قايتا ٶڭدەۋ ٷشٸن, ال مۇناي ٶڭدەۋ زاۋىتى اپاتقا بايلانىستى توقتاعان جاعدايدا بولاتىنى كٶرسەتٸلگەن. كەستە كٶمٸرسۋتەك سالاسىنداعى ۋەكٸلەتتٸ ورگان بەكٸتەتٸن تەرتٸپپەن قالىپتاستىرىلادى.
قۇجات 18 ماۋسىمعا دەيٸن تالقىلانادى.
