قازاقستاندا 2025–2026 وقۋ جىلى جوعارى بٸلٸم بەرۋ جٷيەسٸندە تۇراقتى اياقتالىپ جاتىر, دەپ حابارلايدى dalanews.kz.
بيىل مەكتەپ بٸتٸرۋشٸلەر سانىنىڭ ارتۋى جوعارى بٸلٸمگە دەگەن سۇرانىستىڭ ٶسٸپ وتىرعانىن كٶرسەتتٸ. بۇل تۋرالى ٷكٸمەت وتىرىسىندا عىلىم جەنە جوعارى بٸلٸم مينيسترٸ ساياسات نۇربەك مەلٸمدەدٸ.
مينيستردٸڭ ايتۋىنشا, بيىل مەكتەپتٸ 215 مىڭ تٷلەك اياقتايدى. بۇل سوڭعى جىلدارمەن سالىستىرعاندا ايتارلىقتاي جوعارى كٶرسەتكٸش. مەسەلەن, 2023 جىلى مەكتەپتٸ 162 مىڭ وقۋشى, ال 2024 جىلى 188 مىڭ تٷلەك بٸتٸرگەن بولاتىن.
جوعارى وقۋ ورىندارىنا تٷسۋگە نيەتتٸلەر سانى بۇدان دا كٶپ. ۇلتتىق بٸرىڭعاي تەستٸلەۋگە قاتىسۋ ٷشٸن 239 مىڭنان استام ادام تٸركەلگەن. ونىڭ ٸشٸندە شامامەن 200 مىڭى – بيىلعى مەكتەپ تٷلەكتەرٸ, قالعانى – كوللەدج بٸتٸرۋشٸلەرٸ مەن ٶتكەن جىلداردىڭ تٷلەكتەرٸ.
مينيستردٸڭ سٶزٸنشە, ۇبت ٶتكٸزۋ بويىنشا بارلىق مەملەكەتتٸك ورگانداردىڭ جۇمىسى ٷيلەستٸرٸلگەن. ەلدٸڭ بارلىق ٶڭٸرٸندە ەكٸمدٸكتەر, قۇقىق قورعاۋ ورگاندارى, جوعارى وقۋ ورىندارى جەنە بٸلٸم باسقارمالارى قاتىساتىن ارنايى كوميسسييالار قۇرىلعان.
بيىلعى ۇبت 10 مامىر مەن 10 شٸلدە ارالىعىندا ٶتٸپ جاتىر. تەستٸلەۋ فورماتى ٶزگەرٸسسٸز قالدى. تالاپكەرلەر تەستٸ ەكٸ رەت تاپسىرىپ, گرانت كونكۋرسىنا ەڭ جوعارى نەتيجەمەن قاتىسا الادى.
قاتىسۋشىلارعا تەستٸلەۋدەن كەيٸن دۇرىس جەنە قاتە جاۋاپتار عانا ەمەس, نەتيجەلەردٸڭ تولىق تالداۋى بەرٸلەدٸ.
قازٸرگٸ ۋاقىتتا تەستٸلەۋدەن 80 مىڭنان استام ادام ٶتٸپ ٷلگەرگەن.
جوعارى وقۋ ورىندارىنا قابىلداۋ ناۋقانى دا ناقتى كەستە بويىنشا جٷرگٸزٸلەدٸ. قۇجاتتاردى قابىلداۋ ونلاين جەنە وفلاين فورماتتا ٶتەدٸ. پەداگوگيكالىق جەنە مەديتسينالىق باعىتتارعا تٷسۋشٸلەر ٷشٸن ارنايى ەمتيحاندار ساقتالادى. سونداي-اق شىعارماشىلىق ماماندىقتارعا تٷسەتٸن تالاپكەرلەر جەكە سىناقتار تاپسىرادى.
مەملەكەتتٸك گرانتتار كونكۋرسىنا ٶتٸنٸشتەر 13–20 شٸلدە ارالىعىندا قابىلدانادى, ال جوعارى وقۋ ورىندارىنا قابىلداۋ 25 تامىزدا اياقتالادى.
جاڭا وقۋ جىلىندا بٸرٸنشٸ كۋرس ستۋدەنتتەرٸ ٷشٸن بەيٸمدەلۋ كەزەڭٸ دە ەنگٸزٸلگەن. 28 تامىز بەن 10 قىركٷيەك ارالىعىندا بارلىق ۋنيۆەرسيتەتتەردە ارنايى بەيٸمدەلۋ اپتالىعى ٶتەدٸ. بۇل ستۋدەنتتەردٸڭ اكادەمييالىق ورتاعا تەز ٷيرەنۋٸنە باعىتتالعان.
2026–2027 وقۋ جىلىنا جوعارى بٸلٸم بەرۋ جٷيەسٸنە 89 457 مەملەكەتتٸك گرانت بٶلٸندٸ.
ونىڭ ٸشٸندە:
– 75 371 گرانت باكالاۆرياتقا;
– 11 007 گرانت ماگيستراتۋراعا;
– 3 079 گرانت دوكتورانتۋراعا باعىتتالعان.
مينيسترلٸك گرانتتاردى بٶلۋ كەزٸندە ەڭبەك نارىعىنداعى سۇرانىستى ەسكەرگەنٸن مەلٸمدەدٸ.
بولجام بويىنشا, 2030 جىلعا دەيٸن قازاقستانعا 883 مىڭنان استام مامان قاجەت بولادى.
ونىڭ ٸشٸندە:
– 530 مىڭنان استام ينجەنەرلٸك كادر;
– 185 مىڭنان استام پەداگوگ;
– 168 مىڭعا جۋىق ٶزگە سالالار ماماندارى قاجەت بولادى.
سوندىقتان مەملەكەتتٸك تاپسىستى بٶلۋ كەزٸندە ينجەنەرلٸك, IT, اۋىل شارۋاشىلىعى, پەداگوگيكالىق جەنە جاراتىلىستانۋ باعىتتارىنا باسىمدىق بەرٸلگەن.
جالپى گرانتتاردىڭ:
– 60 پايىزى ينجەنەرلٸك-تەحنيكالىق, IT جەنە اگرارلىق ماماندىقتارعا;
– 21 پايىزى پەداگوگيكالىق كادرلار دايارلاۋعا بٶلٸنگەن.
ٷكٸمەت تاپسىرماسىمەن بيىل ٶڭٸرلەردە ٸرٸ كادرلىق زەرتتەۋ جٷرگٸزٸلگەن. ونىڭ اياسىندا 73 مىڭنان استام كەسٸپورىنعا ساۋالناما جٷرگٸزٸلٸپ, كادر تاپشىلىعى, قىزمەتكەرلەردٸڭ جاس قۇرىلىمى جەنە جاس ماماندارعا قاجەتتٸلٸك تالدانعان.
مينيستردٸڭ ايتۋىنشا, مەملەكەتتٸك تاپسىرىس ەندٸ تەك بٸلٸمدٸ قارجىلاندىرۋ قۇرالى ەمەس, ەلدٸڭ كادرلىق جەنە ەكونوميكالىق ساياساتىنىڭ ماڭىزدى بٶلٸگٸنە اينالىپ وتىر.
كەسٸبي باعدار بەرۋ جۇمىستارى دا كەڭەيتٸلگەن. سونىڭ بٸرٸ – EduNavigator.kz پلاتفورماسى.
بٷگٸندە جٷيە ارقىلى 240 مىڭنان استام وقۋشى كەسٸبي دياگنوستيكادان ٶتكەن, ونىڭ 132 مىڭى تەك 2025 جىلى تٸركەلگەن.
پلاتفورما وقۋشىلاردىڭ بەيٸمدٸلٸگٸن انىقتاۋعا, بولاشاق ماماندىق تاڭداۋعا جەنە ەڭبەك نارىعىمەن بايلانىستىرۋعا مٷمكٸندٸك بەرەدٸ.
سونىمەن قاتار ەلٸمٸزدە العاش رەت «پەداگوگ-پروفوريەنتولوگ» باعدارلاماسى ەنگٸزٸلدٸ. قازٸر ماماندار اباي اتىنداعى قازاق ۇلتتىق پەداگوگيكالىق ۋنيۆەرسيتەتٸندە دايارلانىپ جاتىر. ال كەلەسٸ وقۋ جىلىنان باستاپ باعدارلاماعا باتىس قازاقستان ۋنيۆەرسيتەتٸ دە قوسىلادى.
كەسٸبي باعدار بەرۋ جۇمىستارى اياسىندا ٶتكەن Study in Kazakhstan كٶرمەسٸ ەلٸمٸزدٸڭ 14 قالاسىندا ۇيىمداستىرىلىپ, وعان 46 مىڭنان استام وقۋشى, اتا-انا جەنە مامان قاتىسقان.
كٶرمەدە 60-تان استام قازاقستاندىق جەنە 20-دان استام شەتەلدٸك ۋنيۆەرسيتەت بٸلٸم بەرۋ باعدارلامالارىن تانىستىردى.
بۇدان بٶلەك, «سەرپٸن» باعدارلاماسى اياسىندا ٶتكٸزٸلگەن ٸس-شارالارمەن 13 مىڭنان استام وقۋشى, 2 مىڭ اتا-انا جەنە 700 كەسٸبي باعدار مامانى قامتىلدى.
قازٸرگٸ تاڭدا قازاقستاندا 122 جوعارى وقۋ ورنى جۇمىس ٸستەيدٸ. ونىڭ ٸشٸندە:
– 12 ۇلتتىق ۋنيۆەرسيتەت;
– 30 مەملەكەتتٸك جوو;
– 52 جەكەمەنشٸك ۋنيۆەرسيتەت;
– حالىقارالىق, اكتسيونەرلٸك جەنە ارنايى جوعارى وقۋ ورىندارى بار.
جالپى ستۋدەنتتەر سانى 724 مىڭنان استى.
ونىڭ ٸشٸندە:
– 658 مىڭ ستۋدەنت باكالاۆرياتتا;
– 40 مىڭعا جۋىق ماگيسترانت;
– 9 مىڭ دوكتورانت;
– 16 مىڭنان استام ينتەرناتۋرا جەنە رەزيدەنتۋرا ستۋدەنتٸ وقيدى.
قازاقستاندا بٸلٸم الىپ جاتقان شەتەلدٸك ستۋدەنتتەر سانى 35 مىڭنان استى.
سونىمەن قاتار ەلٸمٸزدە اقش, ۇلىبريتانييا, قىتاي, وڭتٷستٸك كورەيا, فرانتسييا جەنە گەرمانييا ۋنيۆەرسيتەتتەرٸمەن بٸرلەسكەن جوبالار جٷزەگە اسىرىلىپ جاتىر. قازٸر قازاقستاندا 32 شەتەلدٸك ۋنيۆەرسيتەتتٸڭ فيليالى مەن سەرٸكتەستٸك جوبالارى جۇمىس ٸستەيدٸ.
ولاردا 12 مىڭعا جۋىق ستۋدەنت بٸلٸم الادى, ونىڭ 700-گە جۋىعى – شەتەل ازاماتتارى.
بيىل ۋنيۆەرسيتەتتەردٸ 193 مىڭعا جۋىق تٷلەك اياقتايدى. بۇل سوڭعى جىلدارداعى ەڭ ٸرٸ بٸتٸرۋشٸلەر لەگٸنٸڭ بٸرٸ سانالادى.
قورىتىندى اتتەستاتتاۋ 20 ماۋسىمعا دەيٸن, ال ديپلوم تاپسىرۋ رەسٸمٸ 10 شٸلدەگە دەيٸن اياقتالادى.
وقۋ جىلى اياقتالعاننان كەيٸن 530 مىڭنان استام ستۋدەنت جازعى دەمالىسقا شىعادى.
ولاردىڭ ٸشٸندە:
– 150 مىڭ ستۋدەنت ٶندٸرٸستٸك جەنە وقۋ پراكتيكاسىنا جٸبەرٸلەدٸ;
– 30 مىڭ جاس ستۋدەنتتٸك جاساقتارعا قاتىسادى;
– تاعى 30 مىڭ ستۋدەنت ەكولوگييالىق جەنە ۆولونتەرلٸك جوبالارعا تارتىلادى.
سونداي-اق ەلدەگٸ 15 جوعارى وقۋ ورنىندا ستۋدەنتتٸك لاگەرلەر مەن سپورتتىق-ساۋىقتىرۋ كەشەندەرٸ جۇمىس ٸستەيدٸ. بۇل نىسانداردا 15 مىڭ ستۋدەنتتٸڭ دەمالىسى مەن تەجٸريبەدەن ٶتۋٸ ۇيىمداستىرىلادى.
وسىلايشا, جوعارى بٸلٸم جٷيەسٸ جاڭا وقۋ جىلىن كادر دايارلاۋ, ەڭبەك نارىعىنا بەيٸمدەۋ جەنە جاستاردى جۇمىسپەن قامتۋ باعىتىندا اۋقىمدى جوسپارلارمەن اياقتاپ وتىر.
