قۇربان ايت مەرەكەسٸ جاقىنداعان سايىن قازاقستاندا قۇرباندىققا شالىناتىن مال باعاسى ٶسە باستادى, دەپ حابارلايدى dalanews.kz.
ساراپشىلاردىڭ ايتۋىنشا, باعا ٶڭٸرگە, مالدىڭ سالماعىنا, جاسىنا جەنە مەرەكە الدىنداعى سۇرانىسقا بايلانىستى قالىپتاسادى. نارىقتا ەڭ كٶپ سۇرانىس قوي مەن ٸرٸ قارا مالعا تٷسٸپ وتىر.
اشىق ساۋدا الاڭدارى مەن نارىق مونيتورينگٸنە سەيكەس, ەل بويىنشا قوشقاردىڭ ورتاشا باعاسى 80 مىڭنان 150 مىڭ تەڭگەگە دەيٸن جەتەدٸ. كەي ٶڭٸرلەردە ۇسىنىستار 40–60 مىڭ تەڭگەدەن باستالعانىمەن, مۇنداي مالدىڭ بەرٸ قۇرباندىق شالۋعا قويىلاتىن تالاپتارعا سەيكەس كەلە بەرمەيدٸ.
قازاقستان مۇسىلماندارى دٸني باسقارماسى ٸسكە قوسقان ونلاين قۇربان شالۋ پلاتفورماسىندا بٸر قويدىڭ باعاسى 125 مىڭ تەڭگە بولىپ بەلگٸلەنگەن. ال بٸر ٸرٸ قارانىڭ قۇنى 875 مىڭ تەڭگەنٸ قۇرايدى. سونىمەن قاتار ازاماتتار ٷشٸن 1/7 ٷلەسپەن قاتىسۋ مٷمكٸندٸگٸ قاراستىرىلعان.
ساراپشىلاردىڭ دەرەگٸنشە, قازاقستاندا ەرەسەك سيىردىڭ ورتاشا باعاسى 376 مىڭ تەڭگەگە, جاس بۇقانىڭ قۇنى 265,3 مىڭ تەڭگەگە جەتكەن. ال التى ايدان اسقان قويدىڭ ورتاشا باعاسى شامامەن 41,2 مىڭ تەڭگەنٸ قۇرايدى.
ٶڭٸرلەر اراسىنداعى باعا ايىرماشىلىعى دا ساقتالىپ وتىر. مەسەلەن, قاراعاندى مەن جەزقازعاندا قۇرباندىققا ارنالعان قويلار 45–80 مىڭ تەڭگە ارالىعىندا ساتىلسا, پاۆلودار مەن ورالدا ورتاشا باعا 60 مىڭ تەڭگە شاماسىندا. كەي قالالاردا ٸرٸ ەرٸ جاقسى بورداقىلانعان مالدىڭ قۇنى 120–125 مىڭ تەڭگەگە دەيٸن جەتەدٸ.
ساراپشىلار قۇربان ايت جاقىنداعان سايىن سۇرانىستىڭ ارتۋىنا بايلانىستى باعا تاعى كٶتەرٸلۋٸ مٷمكٸن ەكەنٸن ايتادى.
