Qurban ait merekesi jaqyndaǵan saiyn Qazaqstanda qurbandyqqa shalynatyn mal baǵasy óse bastady, dep habarlaidy dalanews.kz.
Sarapshylardyń aitýynsha, baǵa óńirge, maldyń salmaǵyna, jasyna jáne mereke aldyndaǵy suranysqa bailanysty qalyptasady. Naryqta eń kóp suranys qoi men iri qara malǵa túsip otyr.
Ashyq saýda alańdary men naryq monitoringine sáikes, el boiynsha qoshqardyń ortasha baǵasy 80 myńnan 150 myń teńgege deiin jetedi. Kei óńirlerde usynystar 40–60 myń teńgeden bastalǵanymen, mundai maldyń bári qurbandyq shalýǵa qoiylatyn talaptarǵa sáikes kele bermeidi.
Qazaqstan musylmandary dini basqarmasy iske qosqan onlain qurban shalý platformasynda bir qoidyń baǵasy 125 myń teńge bolyp belgilengen. Al bir iri qaranyń quny 875 myń teńgeni quraidy. Sonymen qatar azamattar úshin 1/7 úlespen qatysý múmkindigi qarastyrylǵan.
Sarapshylardyń dereginshe, Qazaqstanda eresek siyrdyń ortasha baǵasy 376 myń teńgege, jas buqanyń quny 265,3 myń teńgege jetken. Al alty aidan asqan qoidyń ortasha baǵasy shamamen 41,2 myń teńgeni quraidy.
Óńirler arasyndaǵy baǵa aiyrmashylyǵy da saqtalyp otyr. Máselen, Qaraǵandy men Jezqazǵanda qurbandyqqa arnalǵan qoilar 45–80 myń teńge aralyǵynda satylsa, Pavlodar men Oralda ortasha baǵa 60 myń teńge shamasynda. Kei qalalarda iri ári jaqsy bordaqylanǵan maldyń quny 120–125 myń teńgege deiin jetedi.
Sarapshylar Qurban ait jaqyndaǵan saiyn suranystyń artýyna bailanysty baǵa taǵy kóterilýi múmkin ekenin aitady.
