الماتىدا جىلۋ مەن ىستىق سۋ تاعى دا قىمباتتادى

الماتىدا 2026 جىلعى 1 مامىردان باستاپ جىلۋ ەنەرگيياسى مەن ىستىق سۋ تاريفتەرٸ ٶزگەردٸ, دەپ حابارلايدى dalanews.kz.

تيٸستٸ ٶزگەرٸستەر قر ۇلتتىق ەكونوميكا مينيسترلٸگٸ تابيعي مونوپولييالاردى رەتتەۋ كوميتەتٸنٸڭ الماتى قالاسى بويىنشا دەپارتامەنتٸ باسشىسىنىڭ 2026 جىلعى 22 سەۋٸردەگٸ بۇيرىعىمەن ەنگٸزٸلگەن.

جاڭا تاريفتەر «الماتى جىلۋ جٷيەسٸ» جشس-نٸڭ جىلۋ ەنەرگيياسىن بەرۋ, بٶلۋ جەنە جابدىقتاۋ قىزمەتتەرٸنە قاتىستى بەكٸتٸلدٸ.

اتاپ ايتقاندا, حالىق ٷشٸن جىلۋ تاريفٸ 7503,35 تەڭگەدەن 7878,51 تەڭگەگە دەيٸن ٶستٸ (ققس-سىز).

ال جىلۋ ەنەرگيياسىن ەسەپتەيتٸن جالپىٷيلٸك قۇرالدارى جوق تۇرعىندار ٷشٸن تاريف 9004,01 تەڭگەدەن 9454,21 تەڭگەگە دەيٸن كٶتەرٸلدٸ.

جالپىٷيلٸك جىلۋ ەسەپتەگٸش قۇرالدارى بار تۇرعىندار ٷشٸن تاريف 7364,88 تەڭگەنٸڭ ورنىنا 7733,12 تەڭگە بولدى.

سونىمەن قاتار ىستىق سۋ تاريفتەرٸ دە ٶزگەردٸ. جىلۋ ەسەپتەگٸش قۇرالدارى جوق, ورتالىقتاندىرىلعان ىستىق سۋمەن جابدىقتالعان كٶپقاباتتى ٷيلەردە بٸر ادامعا شاققانداعى تٶلەم 2031,47 تەڭگەنٸ قۇرادى (ققس-سىز).

جەكە ەسەپتەگٸش قۇرالدارى بار تۇرعىندار ٷشٸن ىستىق سۋدىڭ بٸر تەكشە مەترٸنٸڭ تاريفٸ 588,81 تەڭگە بولىپ بەلگٸلەندٸ.

سونداي-اق اپاتتى جەنە ەسكٸ ٷيلەردە تۇراتىن, تەحنيكالىق مٷمكٸندٸك بولماعاندىقتان جالپىٷيلٸك ەسەپتەگٸش ورناتىلماعان تۇتىنۋشىلار ٷشٸن دە جەكە تاريفتەر بەكٸتٸلگەن.

بۇيرىق قول قويىلعان كٷننەن باستاپ كٷشٸنە ەندٸ.