Almatyda 2026 jylǵy 1 mamyrdan bastap jylý energiiasy men ystyq sý tarifteri ózgerdi, dep habarlaidy dalanews.kz.
Tiisti ózgerister QR Ulttyq ekonomika ministrligi Tabiǵi monopoliialardy retteý komitetiniń Almaty qalasy boiynsha departamenti basshysynyń 2026 jylǵy 22 sáýirdegi buiryǵymen engizilgen.
Jańa tarifter «Almaty jylý júiesi» JShS-niń jylý energiiasyn berý, bólý jáne jabdyqtaý qyzmetterine qatysty bekitildi.
Atap aitqanda, halyq úshin jylý tarifi 7503,35 teńgeden 7878,51 teńgege deiin ósti (QQS-syz).
Al jylý energiiasyn esepteitin jalpyúilik quraldary joq turǵyndar úshin tarif 9004,01 teńgeden 9454,21 teńgege deiin kóterildi.
Jalpyúilik jylý eseptegish quraldary bar turǵyndar úshin tarif 7364,88 teńgeniń ornyna 7733,12 teńge boldy.
Sonymen qatar ystyq sý tarifteri de ózgerdi. Jylý eseptegish quraldary joq, ortalyqtandyrylǵan ystyq sýmen jabdyqtalǵan kópqabatty úilerde bir adamǵa shaqqandaǵy tólem 2031,47 teńgeni qurady (QQS-syz).
Jeke eseptegish quraldary bar turǵyndar úshin ystyq sýdyń bir tekshe metriniń tarifi 588,81 teńge bolyp belgilendi.
Sondai-aq apatty jáne eski úilerde turatyn, tehnikalyq múmkindik bolmaǵandyqtan jalpyúilik eseptegish ornatylmaǵan tutynýshylar úshin de jeke tarifter bekitilgen.
Buiryq qol qoiylǵan kúnnen bastap kúshine endi.
