Qoǵam belsendisi Azamat Erǵali áleýmettik jelidegi jazbasynda kópten beri jurt nazaryn aýdaryp júrgen "Maskadaǵy adamǵa" qatysty óz boljamyn aitty. Ol muqtaj jandarǵa milliondap kómek kórsetip júrgen belgisiz qaiyrymdy jannyń kim bolýy múmkin ekenin kópshilik talqysyna saldy, dep dalanews.kz tilshisi kznews.kz saityna silteme jasap habarlaidy.
Belsendiniń jazýynsha, onyń oiynsha, "Maskadaǵy adam" álemge tanymal qazaqstandyq ánshi Dimash Qudaibergen bolýy yqtimal.
"Maskadaǵy adam – menińshe, bul bizdiń Dimash Qudaibergen siiaqty. Al sizder qalai oilaisyzdar?" – dep jazdy Azamat Erǵali.
Bul jazba áleýmettik jeli qoldanýshylary arasynda qyzý talqylaý týdyrdy. Birqatar oqyrman belsendiniń boljamyn qoldap, "shynymen de Dimash bolýy múmkin" degen pikir qaldyrǵan. Al keibiri «Maskadaǵy adamnyń» kim ekeni naqty dáleldenbeiinshe, mundai tujyrym jasaýǵa asyqpaý kerek ekenin jazdy.
Qazirge deiin "Maskadaǵy adamnyń" kim ekeni resmi túrde jariialanǵan joq. Degenmen onyń qaiyrymdylyq isteri men muqtaj jandarǵa kórsetken kómegi el arasynda keńinen talqylanyp keledi.
Jeli qoldanýshylary belgisiz jannyń kim ekenin anyqtaýǵa tyrysyp, túrli boljam aitýda. Al kópshilik úshin eń mańyzdysy – onyń aty-jóni emes, adamdarǵa shynaiy kómek kórsetip júrgeni ekeni aitylyp jatyr.
