Ulytaý oblysynyń turǵyny úiin jóndeý kezinde Ekinshi dúniejúzilik soǵys dáýirine tiesili sirek tarihi qarý taýyp aldy, dep habarlaidy dalanews.kz "Polisia.kz"-ke silteme jasap.
Oqiǵa Jańaarqa aýdanynda bolǵan. Jergilikti turǵyn satyp alǵan eski úiine jóndeý jumystaryn júrgizý barysynda kóne myltyqqa tap bolyp, ony birden politsiia qyzmetkerlerine tapsyrǵan.
Tekserý barysynda tabylǵan buiymnyń áigili amerikalyq konstrýktor Djon Mozes Braýning jasaǵan Browning Auto-5 tegis uńǵyly jartylai avtomatty myltyǵy ekeni anyqtaldy. Mamandardyń málimetinshe, bul qarý 1898 jyly qurastyrylyp, 1905 jyldan bastap áskeri qurylymdar men quqyq qorǵaý organdarynyń qoldanysyna engizilgen. Sonymen qatar, atalǵan model Ekinshi dúniejúzilik soǵys kezinde de keńinen paidalanylǵan.
Qazirgi tańda qarýǵa qatysty ballistikalyq saraptama taǵaiyndaldy. Mamandar onyń naqty shyǵarylǵan ýaqytyn jáne qandai da bir quqyq buzýshylyqtarǵa qatysy bar-joǵyn anyqtap jatyr.
Politsiia qyzmetkerleri qarýdy óz erkimen tapsyrǵan azamatqa alǵys bildirip, mundai áreket qoǵam qaýipsizdigine jaýapkershilikpen qaraýdyń úlgisi ekenin atap ótti.
Tártip saqshylary zańsyz saqtalǵan qarý-jaraqtardy, oq-dáriler men jarylǵysh zattardy óz erkimen tapsyrǵan azamattar, eger olardyń áreketterinde ózge quqyq buzýshylyq belgileri bolmasa, qylmystyq jáne ákimshilik jaýapkershilikten bosatylatynyn eske saldy.
