Qaraǵandy oblysynda ishki týrizmniń jańa baǵyty – ónerkásiptik týrizm qarqyn ala bastady. Bul isti damytýǵa biyl qurylǵan Visit Karaganda týristik aqparattyq ortalyǵy belsendi atsalysýda. Ortalyq komandasy aimaqtyń óndiristik jáne mádeni áleýetin biriktirip, erekshe marshrýt ázirledi. Osylaisha jańa baǵyt – «Indýstriialyq Qaraǵandy» týry quryldy, dep habarlaidy Dalanews.kz.
Alǵash bolyp bul baǵytpen týroperatorlar, jýrnalister men blogerler júrip ótti. Bir kún ishinde qatysýshylar úsh qala men bir kentti aralap, aimaqtyń ónerkásiptik jáne tarihi kelbetin kózben kórdi. Sapar Temirtaýdan bastalyp, Dolinka aýylynda túiindeldi.
Memleket basshysy birneshe ret atap ótkendei, týrizm el ekonomikasynyń jańa draiverine ainalýy tiis. Prezidenttiń aitýynsha, Qazaqstannyń ár óńirinde ózindik ereksheligi bar tartymdy týristik nysandar bar.
– Qaraǵandy oblysy – tabiǵi sulýlyǵy men bai tarihymen qatar, Qazaqstannyń óndiristik júregi sanalady. Bizdiń maqsatymyz – tarih pen indýstriiany bir arnaǵa toǵystyryp, óńirdi jańa qyrynan kórsetý, – deidi týr uiymdastyrýshylary.
Temirtaýdaǵy Tuńǵysh Prezidenttiń tarihi-mádeni ortalyǵynda qatysýshylar metallýrgiia salasynyń damý tarihymen tanysty. Keiin olar QazTehna zaýytynda óndirilgen tramvaimen saiahat jasady.
Temirtaý – eldegi tramvai qatynasy saqtalǵan sanaýly qalalardyń biri. Sondyqtan bul kólik túri týrister úshin erekshe tartymdy nysanǵa ainalýy ábden múmkin.
Sondai-aq qonaqtar Temirtaý qysqy baǵynda bolyp, saparlaryn Qaraǵandy qalasynda jalǵastyrdy.
Munda olar taý-ken kolledjiniń oqý shahtasyna túsip, kenshiler ólkesiniń ómirimen tanysty. Ekskýrsiia barysynda kómir óndirýdiń naqty úderisi men óńirdiń taý-ken ónerkásibiniń damý kezeńderi kórsetildi.
Baǵdarlamada Qaraǵandydaǵy turmystyq himiia zaýyty men Saran qalasyndaǵy shina zaýytyna barý da qarastyrylǵan.
"Ekologiialyq turǵydan taza turmystyq himiia ónimderi týraly burynnan estip kelemiz, ózimiz de jergilikti ónimdi qoldanamyz. Bul joly onyń qalai jasalatynyn óz kózimizben kórý óte qyzyqty boldy. Al shina zaýyty – shyn máninde iri óndiris. Munda basynan bastap daiyn ónimge deiingi protsess kezeń-kezeńmen júzege asady. Protsess óte áserli", – deidi infotýr qatysýshysy, týrizm salasynyń mamany Vitalii Shýptar.
Saiahattyń sońǵy núktesi – Dolinka kentindegi saiasi qýǵyn-súrgin qurbandaryna arnalǵan murajai boldy.
Visit Karaganda ortalyǵy dástúrli ekskýrsiialarmen qatar, onlain-gid jáne tsifrlyq servisterdi de damytyp keledi.
"Bizde jasandy intellekt negizinde jumys isteitin chat-bot iske qosyldy. Ol týristerge baǵyt usynady, óńirdiń kórikti jerlerimen tanystyrady, qonaqúiler, janarmai beketteri men demalys aimaqtary týraly aqparat beredi. Eń qyzyǵy – chat-bot 180 tilde erkin sóilei alady", – dep atap ótti ortalyq direktory Bahtiiar Bekmurzaev.
