Qazaqstanda azamattyq alý nemese qaıta qalpyna keltirý úshin tapsyrylatyn emtıhan talaptaryna ózgerister engizildi. Bul týraly Ǵylym jáne joǵary bilim mınıstriniń jańartylǵan buıryǵynda kórsetilgen, dep habarlaıdy Dalanews.kz.
Atap aıtqanda, azamattyq alý úshin mindetti úsh pán boıynsha shekti baldar tómendetildi nemese ózgertildi:
-
Qazaq tili boıynsha eń tómengi shekti bal burynǵy 36 baldyń ornyna 15 bal bolyp belgilendi;
-
Qazaqstan Konstıtýsıasy boıynsha kerisinshe, talap kúsheıip, shekti bal 9-dan 20 balǵa deıin kóterildi;
-
Qazaqstan tarıhy páninen talap ózgerissiz qaldy — 15 baldan tómen bolmaýy tıis.
Jańartylǵan talaptar shetel azamattaryna Qazaqstan Respýblıkasynyń azamattyǵyn alý nemese ony qalpyna keltirý úderisin jeńildetedi.
Aıta keteıik, bul ózgeristerdi qamtıtyn buıryqtyń jobasy 2025 jyldyń shilde aıynda "Ashyq NQA" portalynda qoǵamdyq talqylaýǵa usynylǵan bolatyn.
