Prezident Qasym-Jomart Toqaevtyń bastamasymen júzege asyrylyp jatqan «Taza Qazaqstan» respýblikalyq ekologiialyq aktsiiasy elimizdiń jasyl damý saiasatynyń naqty kórinisine ainaldy. Onyń maqsaty – qorshaǵan ortany qorǵaý ǵana emes, sonymen qatar qoǵamda ekologiialyq jaýapkershilik pen jańa mádenietti qalyptastyrý,- dep habarlaidy Dalanews.kz
Aktsiia bastalǵaly beri 10 millionnan astam adam senbilikterge, aǵash otyrǵyzý jáne kógaldandyrý jumystaryna, ózen-kólderdi tazalaýǵa belsene qatysyp keledi. Nátijesinde respýblika boiynsha 1,6 mln tonnadan astam qoqys jinalyp, 859 myń gektar jer tazartyldy.
Jasyl saiasat - Joldaý basymdyqtarymen úndes
Prezident Joldaýynda atap ótkendei, «Taza Qazaqstan» aiasynda eldi mekender tazaryp qana qoimai, jańa qoǵamdyq mádeniet qalyptasyp keledi. Bul bastama qaldyqtardy qaita óńdeý, ekologiialyq aǵartýshylyq, tsifrlyq baqylaý siiaqty júieli sharalarmen tolyqtyrylýda.
2024 jyly Úkimet ekologiialyq mádenietti damytýdyń 2024-2029 jyldarǵa arnalǵan tujyrymdamasyn bekitti. Qujat halyqtyń ekologiialyq sanasyn arttyrý, jastardy tabiǵatty aialaýǵa tárbieleý, biznestiń «jasyl bastamalarǵa» qatysýyn yntalandyrý baǵyttaryn qamtidy.
Ekologiiaǵa tsifrlyq serpin
2024 jyldan bastap iske qosylǵan @TazaQazBot telegram-boty arqyly azamattar qoqys shyǵarý, abattandyrý, kógaldandyrý máseleleri týraly habarlap, olardyń jedel sheshilýine yqpal etip júr. Biyldyń ózinde 16 myńnan astam ótinishtiń basym bóligi oryndaldy.
Ormandy ulǵaitý - ulttyq ideia
Joldaýdaǵy taǵy bir mańyzdy baǵyt – el aýmaǵyn kógaldandyrý. Sońǵy jyldary 1,3 mlrd-tan astam kóshet, sonyń ishinde Aral teńiziniń qurǵaǵan tabanyna 48 mln-nan astam sekseýil egildi. Bul – ekojúieni qalpyna keltirýdiń jáne klimattyq turaqtylyqty nyǵaitýdyń naqty qadamy.
Ortaq is - ortaq igilik
«Taza Qazaqstan» búgingi tańda jalpyhalyqtyq qozǵalysqa ainaldy. Memlekettik organdardan bastap, biznes qaýymdastyq pen eriktilerge deiin tabiǵatty qorǵaýǵa óz úlesin qosýda. Senbilikke shyǵý, aǵash otyrǵyzý, qaldyqty suryptaý – árbir azamattyń Joldaýda aitylǵan jasyl damý saiasatyn qoldaýǵa qosqan úlesi.
«Taza Qazaqstan» bastamasy eldiń jasyl ekonomikaǵa qadam basqanyn kórsetip otyr. Bul – tek tabiǵatty qorǵaý sharasy emes, jańa qoǵamdyq mádeniettiń qalyptasýy, Joldaýdaǵy jasyl saiasattyń shynaiy iske asýy.
