30 mamyr kúni «Qazaqmys» Toby kásiporyndarynyń 2100-den astam jumyskeri Memleket basshysy Qasym-Jomart Toqaevtyń bastamasymen júzege asyrylyp jatqan respýblikalyq «Taza Qazaqstan» baǵdarlamasy sheńberinde uiymdastyrylǵan «Móldir bulaq» ekologiialyq aktsiiasyna qatysty, dep habarlaidy dalanews.kz.
Aktsiia bir mezgilde Jezqazǵan, Sátbaev, Balqash, Qaraǵandy, Shý jáne Astana qalalarynda ótti. Is-sharanyń negizgi maqsaty – sý aidyndarynyń jaǵalaýyn qoqystan tazartý, qoǵamdyq keńistikterdi abattandyrý jáne qorshaǵan ortaǵa uqypty qaraý mádenietin qalyptastyrý.
Jumys Keńgir sý qoimasy, Balqash kóli, Fedorov sý qoimasynyń jaǵalaýlarynda, sondai-aq sý nysandaryna jáne turǵyndardyń demalatyn oryndaryna irgeles basqa da aýmaqtarda uiymdastyryldy.
Aktsiia aiasynda qatysýshylar jaǵalaý aimaǵyn turmystyq qaldyqtan tazartty, sanitarlyq tazalaý jumysyn júrgizdi jáne jinalǵan qoqysty arnaiy belgilengen orynǵa shyǵardy.
Jumysqa 25 birlik arnaiy tehnika jumyldyryldy jáne 1500 astam tazalaý quraly qoldanyldy. Aktsiia qorytyndysy boiynsha shamamen 250 tonna qoqys jinalyp, shyǵaryldy.
Ekologiialyq bastamaǵa «Qazaqmys» Toby kásiporyndarynyń jumyskerleri, onyń ishinde «Qazaqmys» korporatsiiasy, Kazakhmys Smelting, Kazakhmys Barlau, Kazakhmys Maintenance Services, Maker jáne basqa da kásiporyndar qatysty.
Kompaniiada atap ótilgendei, ekologiialyq aktsiiaǵa qatysý qorshaǵan ortany qorǵaý jáne turaqty damý baǵytyndaǵy júieli jumystyń bir bóligi bolyp tabylady. «Qazaqmys» tabiǵi resýrstardy saqtaýǵa, ekologiialyq jaýapkershilikti arttyrýǵa jáne ózine qatysy bar óńirlerde ekologiialyq mádenietti damytýǵa baǵyttalǵan «Taza Qazaqstan» baǵdarlamasy aiasyndaǵy sharalardy turaqty túrde qoldap keledi.
