Prezident Qasym-Jomart Toqaevtyń keńesshisi jáne baspasóz hatshysy Rýslan Jeldibai «Taza Qazaqstan» jalpyrespýblikalyq aktsiiasynyń nátijesi týraly aitty, dep habarlaidy Dalanews.kz.
Bul týrady ol telegram arnasynda jazdy.
"Taza Qazaqstan" aktsiiasy byltyr sáýir aiynan beri Memleket basshysynyń bastamasymen uiymdastyrylyp keledi.
"Ekologiialyq ári áleýmettik mańyzy joǵary bul jobany jurtshylyqtyń bári, ásirese, jastardyń keńinen qoldaǵany qýantady. Búginde «Taza Qazaqstan» aktsiiasy halqymyz túgeldei qatysatyn aýqymdy sharaǵa ainaldy dep senimdi túrde aitýǵa bolady.
Aktsiiaǵa barlyq óńir atsalysty. Jalpy, el aýmaǵynda 183 ekologiialyq aktsiia ótti. Oǵan 6,2 millionnan astam adam qatysty, olardyń ishinde 229 myń erikti bar", deidi Jeldibai.
Nátijesinde 1,1 million tonnadan asa qoqys jinalyp, 1,6 millionǵa jýyq aǵash kósheti egilgen.
"Joba aiasynda aýqymdy jumys atqaryldy: aýlalar men aýmaqtar tazalandy («Taza ólke», World Clean Up Day, «Ónegeli urpaq»), aǵash kóshetteri egildi («Jasyl aimaq», Búkilqazaqstandyq orman egý kúni); mádeni-tarihi eskertkishter aýmaǵy tazartyldy («Kieli meken»); ózen-kólder men sý toǵandarynyń jaǵalaýlary retke keltirildi («Móldir bulaq», «Taza jaǵalaý»).
Ruqsat etilmegen qoqys alańdary aitarlyqtai azaidy. Eger 2018 jyly 8,7 myń qoqys orny anyqtalyp, onyń 57 paiyzy joiylsa, 2024 jyly 4,8 myńǵa jýyq qoqys alańy belgili bolyp, 93 paiyzy joiyldy", delingen jazbada.
Byltyr maýsym aiynda @TazaQazBot chat-boty iske qosyldy. Jurtshylyq bul platformaǵa ózderi kýá bolǵan keleńsiz faktilerdi habarlai alady.
"Chat-bot iske qosylǵan sátten bastap 15806 ótinim túsip, onyń 14417-si oryndaldy. Qalǵan 302-si boiynsha tiisti jumystar qolǵa alynǵan. Biyl «Taza Qazaqstan» aiasyndaǵy ekologiialyq is-sharalar naýryz aiynan bastap ońtústik jáne batys óńirlerde qolǵa alyndy. Búginge deiin uiymdastyrylǵan 11 tazalyq is-sharasyna 223 myńnan astam adam qatysty. Onyń ishinde 11,6 myńnan astamy – eriktiler", deidi Rýslan Jeldibai.
Nátijesinde 7,6 myń tonna qoqys jinalyp, 385 myń gektar aýmaq tazartyldy. Shamamen 74,1 myń jasyl jelek otyrǵyzyldy.
"Munyń bári Prezident bastamasynyń ózekti ekenin kórsetip turǵany anyq. Memleket basshysy aitqandai, «Taza Qazaqstan» – bir rettik naýqan emes. Ol otandastarymyzdyń qorshaǵan ortaǵa kózqarasyn ózgertetin, óskeleń urpaqty týǵan jerge qurmetpen qaraýǵa tárbieleitin igi dástúrge ainalýǵa tiis", dep túiindedi prezidenttiń keńesshisi ári baspasóz hatshysy.
