Batys Qazaqstan oblysynda orman sharýashylyǵy mekemeleriniń materialdyq-tehnikalyq bazasyn nyǵaitý úshin oblystyq biýdjetten biyl 931 mln teńge bólindi, dep habarlaidy Dalanews.kz.
BQO tabiǵi resýrstar jáne tabiǵat paidalanýdy retteý basqarmasy basshysynyń orynbasary Darhan Zakarinniń málimdeýinshe, osy qarajatqa ár túrli markaly 33 traktor, 27 mototsikl, "KamAZ" bazasyndaǵy 2 órt sóndirý jáne 4 patrýldik mashina alý josparlanǵan.
Onyń sózine qaraǵanda, orman órtin erte anyqtaý júiesi óńirde problemalyq máselelerdiń biri boldy.
"Orman órtterin ýaqtyly anyqtap, tez oqshaýlaý úshin Aqjaiyq, Bórli, Taipaq, Oral, Chapaev, Ianvartsev orman jáne janýarlar dúniesin qorǵaý jónindegi kommýnaldyq memlekettik mekeme aýmaǵyn qamtityn 10 beinekameradan turatyn orman órtterin erte anyqtaý júiesi satyp alyp, ornatyldy", – dedi D.Zakarin.
Jalpy, 2023 jyly jergilikti orman sharýashylyǵy mekemeleriniń bazasyn jaqsartý úshin jergilikti qazynadan 1 mlrd. 187 mln teńge bólinip, oǵan 26 traktor, 15 patrýldik mashina, 129 tehnikalyq jabdyq satyp alyndy.
Sonymen qatar 2023 jyly Qazaqstan Respýblikasy Úkimetiniń rezervinen orman jáne tabiǵat qorǵaý mekemeleriniń orman órt sóndirý stantsiialarynyń qyzmetkerlerine órtten qorǵanýy úshin 45 mln. teńge qaralyp, 220 órt sóndirý jinaǵy satyp alyndy.
Qazirgi tańda Batys Qazaqstan oblysynda memlekettik orman qory jeriniń jalpy aýdany 222 159 gektar bolsa, sonyń 88 482 gektary ormanmen kómkerilgen. Ormanmekemeleriniń qaramaǵynda 109 adamnan turatynortalyqtandyrylǵan 8 orman órt stantsiiasy bar.
Jaiyq óńiriniń jasyl jelekke bólenýine, ekologiialyq tazalyq máselesine respýblikalyq "Taza Qazaqstan" aktsiiasy da laiyqty úlesin qosýda. Jalpy, respýblikalyq aktsiia bastalǵannan beri BQO-da 150 myń jýyq adamnyń qatysýymen 231 saiabaq pen skver aýmaqtarynda tazalaý júrgizildi, 60 myńnan astam aǵash kóshetteri otyrǵyzyldy, 1221 áleýmettik, 3307 kásipkerlik jáne ónerkásiptik nysandar, 525 tarihi-mádeni eskertkishter jinaldy. Ekologiialyq aktsiia barysynda 70 myń tonna qoqys shyǵaryldy.
"Taza Qazaqstan" - ekologiialyq sana qalyptastyrýdyń bir qadamy. Bizdi qorshaǵan orta ǵanaemes, bizdiń oilarymyz ben is-áreketterimiz de taza bolýykerek. Bul "Taza Qazaqstan" aktsiiasynyń tereń máni", – dep atap ótti "Jasyl el" oblystyq shtabynyń basshysy Q.Balmoldy.
