Densaýlyq saqtaý ministrligi Marat Jylanbaevtyń jaǵdaiyna qatysty túsinikteme berýden bas tartty, dep habarlaidy Dalanews.kz BES.media-ǵa siltep.
Quqyq qorǵaýshylar sottalǵannyń jaǵdaiy aýyr, koloniiadaǵy sanitarlyq jaǵdai nashar ári tiisti meditsinalyq kómek kórsetilmei otyr deidi. Al QAJK men ombýdsmen onyń densaýlyǵy qanaǵattanarlyq dep málimdeýde.
Vedomstvo Jylanbaevtyń sot úkimi boiynsha jazasyn ótep jatqanyn, al meditsinaǵa qatysty máseleler densaýlyq saqtaý ministrliginiń quzyretinde ekenin atap ótti.
Ministrlik sottalǵannyń densaýlyǵy týraly aqparat qupiia ekenin jetkizdi. Biraq shaǵym túsken jaǵdaida meditsinalyq kómektiń sapasyna jospardan tys tekseris júrgizilýi múmkin.
Vedomstvonyń aitýynsha, sottalǵandar meditsinalyq baqylaý komitetine nemese aýmaqtyq organdarǵa tekseris júrgizý úshin júginýine bolady.
Jylanbaevtyń jaǵdaiynyń nasharlaǵany týraly habarlaǵany úshin politsiia quqyq qorǵaýshy Baqytjan Toregojinany aiyppulǵa jyqqan.
Ombýdsmen Artýr Lastaev Jylanbaev belsendi ári dárigerlerdiń baqylaýynda dep sendirse, quqyq qorǵaýshylar bilikti jalǵan aqparat taratyp otyr dep aiyptaidy.
Buǵan deiin advokattar tergeý izoliatorlarynda meditsinalyq kómek kórsetýde júieli problemalar baryn aitqan. Olar marqum sottalǵan Talǵat Tóleýovtiń oqiǵasyn mysalǵa keltirdi.
Álemdik rekordtar ornatqan belgili ýltramarafonshy qazir tyiym salynǵan uiymǵa qatysqany úshin jeti jylǵa sottalǵan. Ózi bul isti saiasi astary bar dep sanaidy.
