دەنساۋلىق ساقتاۋ مينيسترلٸگٸ مارات جىلانباەۆتىڭ جاعدايىنا قاتىستى تٷسٸنٸكتەمە بەرۋدەن باس تارتتى, دەپ حابارلايدى Dalanews.kz BES.media-عا سٸلتەپ.
قۇقىق قورعاۋشىلار سوتتالعاننىڭ جاعدايى اۋىر, كولونيياداعى سانيتارلىق جاعداي ناشار ەرٸ تيٸستٸ مەديتسينالىق كٶمەك كٶرسەتٸلمەي وتىر دەيدٸ. ال قاجك مەن ومبۋدسمەن ونىڭ دەنساۋلىعى قاناعاتتانارلىق دەپ مەلٸمدەۋدە.
ۆەدومستۆو جىلانباەۆتىڭ سوت ٷكٸمٸ بويىنشا جازاسىن ٶتەپ جاتقانىن, ال مەديتسيناعا قاتىستى مەسەلەلەر دەنساۋلىق ساقتاۋ مينيسترلٸگٸنٸڭ قۇزىرەتٸندە ەكەنٸن اتاپ ٶتتٸ.
مينيسترلٸك سوتتالعاننىڭ دەنساۋلىعى تۋرالى اقپارات قۇپييا ەكەنٸن جەتكٸزدٸ. بٸراق شاعىم تٷسكەن جاعدايدا مەديتسينالىق كٶمەكتٸڭ ساپاسىنا جوسپاردان تىس تەكسەرٸس جٷرگٸزٸلۋٸ مٷمكٸن.
ۆەدومستۆونىڭ ايتۋىنشا, سوتتالعاندار مەديتسينالىق باقىلاۋ كوميتەتٸنە نەمەسە اۋماقتىق ورگاندارعا تەكسەرٸس جٷرگٸزۋ ٷشٸن جٷگٸنۋٸنە بولادى.
جىلانباەۆتىڭ جاعدايىنىڭ ناشارلاعانى تۋرالى حابارلاعانى ٷشٸن پوليتسييا قۇقىق قورعاۋشى باقىتجان تورەگوجينانى ايىپپۇلعا جىققان.
ومبۋدسمەن ارتۋر لاستاەۆ جىلانباەۆ بەلسەندٸ ەرٸ دەرٸگەرلەردٸڭ باقىلاۋىندا دەپ سەندٸرسە, قۇقىق قورعاۋشىلار بيلٸكتٸ جالعان اقپارات تاراتىپ وتىر دەپ ايىپتايدى.
بۇعان دەيٸن ادۆوكاتتار تەرگەۋ يزولياتورلارىندا مەديتسينالىق كٶمەك كٶرسەتۋدە جٷيەلٸ پروبلەمالار بارىن ايتقان. ولار مارقۇم سوتتالعان تالعات تٶلەۋوۆتٸڭ وقيعاسىن مىسالعا كەلتٸردٸ.
ەلەمدٸك رەكوردتار ورناتقان بەلگٸلٸ ۋلترامارافونشى قازٸر تىيىم سالىنعان ۇيىمعا قاتىسقانى ٷشٸن جەتٸ جىلعا سوتتالعان. ٶزٸ بۇل ٸستٸ ساياسي استارى بار دەپ سانايدى.
