Almaty qalasynda Tótenshe jaǵdaılar mınıstrligi qyzmetkerleri taýda adasyp qalǵan tórt adamdy qutqardy,- dep habarlaıdy Dalanews.kz
Almaty qalalyq TJD-niń 112 púltine «Bashýta» shyńynan túsken kezde 4 týrıs adasyp ketkeni týraly habarlama túsken. Qutqarýshylar taýly jermen shamamen 5 shaqyrym júrip ótip, teńiz deńgeıinen 3 myń metrden astam bıiktikte týrıserdi taýyp aldy.
Zardap shekkenderge medısınalyq kómek qajet bolǵan joq. Qutqarýshylar olardy Shymbulaqqa deıin jetkizip, aman-esen túsirdi.
TJM taýǵa shyqpas buryn marshrýtty aldyn ala zertteýdi, jaqyndaryna habar berýdi, aýa raıy boljamyn tekserýdi jáne baılanys quraldaryn ózimen birge alýdy eskertedi.
